Насиҳат.

Насиҳатин олмасдан,
Назар – писанд қилмасдан,
Икки дунё вафодор
Дўст эканин билмасдан:
Иймонимни йиғлатдим.
Гўзал юзин босиб чанг,
Деворда турар қаранг,
Қўлларимга олмай бир
Аҳволини қилиб танг:
Қуръонимни йиғлатдим.
Азиз эди хор қилиб,
Садоқатга зор қилиб,
Ёлборса ҳам ёнига
Бир боришдан ор қилиб:
Исломимни йиғлатдим.
Хато қилсам йиғлаган,
Номусдан дил доғлаган,
Менинг учун қайғуриб
Мендан қадр кўрмаган:
Виждонимни йиғлатдим.