Sinemin agriyir sen olan yeri (Seir dunyasi)

Mən bir dağ çayıyam, dağ bulağıyam, Mənim çoxalmağım, azalmağım var. Gəlir bu bağların təbiətindən, Coşub-daşmağım var, sozalmağım var. Sözdən öz ömrümə bir heykəl yonub, Gözəllik önündə heyrətdən donub, Arıtək çiçəkdən-çiçəyə qonub, Dədə ocağından köz almağım var. Suyam – damla-damla daşdan çıxmışam, Gözəm, göz yaşıyam, yaşdan çıxmışam. Bir qarlı, boranlı qışdan çıxmışam, Təzə çiçəklənib yaz olmağım var. Duyğular bağında güllər bitirib, Bir ömrün içində min ömür sürüb, Şairtək əlinə qələm götürüb, Aşıqtək sinəmə saz almağım var. Bənzər xəyalımız uçan quşlara, Tarix qiymət verər uca başlara. Ulu qayalara, qızıl daşlara, Qədim əlifbatək yazılmağım var.

Mikayıl Müşfiq - Sevgilər / Səs: Nərmin Xəlilova #seirler

Alıb xurcunumu köçüb gələrəm, Eşqin şərbətini içib gələrəm, Susuz səhralardan keçib gələrəm, Mən sevda yorğunu deyiləm gülüm! Yığıb hisslərimi qanadı altda, Ruhum pərvaz edir neçənci qatda, Uzaq məsafələr acizdi hətta, Mən sevda yorğunu deyiləm gülüm! Şirindi bu sevdam şəkərdən, baldan, Geri dönməyəcəm getdiyim yoldan, Sanma ki, usanıb düşəcəm haldan, Mən sevda yorğunu deyiləm gülüm! Çoxda öyünməsin qoy hicran, həsrət, Vüsal ehtişamla gələcək əlbət, Gözümdə min ümid, dizimdə taqət, Mən sevda yorğunu deyiləm gülüm! Məkirli hiylələr eşqi bitirməz, Çünki pak duyğular ləkə götürməz, Məni saf amalım təngə gətirməz, Mən sevda yorğunu deyiləm gülüm! Bu qədər.Nə deyim.Mən elə buyam, Çatlamış torpağa can verən suyam, Qovuşmaq uğruna gəzən yolçuyam, Mən sevda yorğunu deyiləm gülüm! Sən ki, tanıyırsan, bilirsən məni, Səni yarı yolda qoyaram yənii?? Sevmişəm, sevirəm, sevəcəm səni, Mən sevda yorğunu deyiləm gülüm!! Ramin Əhmədoğlu..

Biz eşq məktəbində naşı ''öyrənci'', Nahaq mən əzəldən bu dərsə gəldim. Nə sən sevilməyi öyrətdin mənə, Nə də mən sevməyi öyrədə bildim.. Təkcə soyuqluğun üşütmədi ki, Ruhumu yandıran od oldun mənə.. Bu qədər özümə doğma bilirkən, Niyə birdən birə yad oldun mənə.. Ya köhnə hisslərin qurbanı oldun, Ya qəsdən eylədin,ya xoşun gəldi, Sənin buraxdığın hər hansı xəta, Mənim ürəyimi ox kimi dəldi.. Çökdü bu sevdanın üstünə zülmət, Artıq öləziyir gur yanan işıq.. Təəssüf ki, bunu çox gec anladım, Fərqli dünyaların adamıymışıq.. Biz eşq məktəbində naşı ''öyrənci'', Nahaq mən əzəldən bu dərsə gəldim. Nə sən sevilməyi öyrətdin mənə, Nə də mən sevməyi öyrədə bildim.. Ramin Əhmədoğlu...