"Сидели" Батыревский муниципальный округ "Чувашия"

Ҫимӗкре Сителсем клуб умĕнчи лапама йышлăн пухăнчĕç. Кунта Сителшĕн хăй вăхăтĕнче ырми-канми вăй хунă сумлă Юрий Павлович Прискина хисеплесе волейбол турнирĕ иртрĕ.    Турнирта куракансем те, вылякансем те чылайăн пулчĕç. Спортсменсем 4 ушкăна пайланса тупăшрĕç. Кашни команда питĕ вăйлă выляма пултарнипе тĕлĕнтерчĕ. Çапла вара çирĕп тупăшура  "Молодежка" ушкӑн пĕрремĕш вырăна тухса савăнтарчĕ. Пьедесталăн иккĕмĕш картлашки çине «Ударник»  хăпарма пултарчĕ. Виççĕмĕшсем – «Победа». Хавхалантару  призне шкул ачисен ушкӑнӗ тивӗҫрӗ. Пур ҫĕнтерÿçĕсене те сумлă парнесемпе савӑнтарчӗç.        Ăмăртăва хутшăнакансене ял старости Юрий Степанов тата Юрий Павлович ачисем  спортсменсене ăнăçу сунчĕҫ, ял халăхне маттур ентешсене манманнишĕн мухтарӗҫ. Тӑван тӑрӑхшӑн хастар ӗҫлекен юлташсене Тав хучӗсем парса чысларӗҫ.      Уява ятарласа килнӗ чӑваш эстрада ҫӑлтӑрӗсем пуянлатрӗҫ. Вӗсем ял-халӑхне, хӑнасене хаваслӑ концертпа савӑнтарчӗҫ. 

🌞В рамках празднования Международного дня защиты детей в Сиделинском библиотечном пункте провели праздничную программу «Лето - чудесная пора». 📚Ребята отправились в увлекательное путешествие по книжной стране вместе с библиотекарем Оксаной Хомуткиной, ознакомились с книжной выставкой «Мир начинается с детства», попробовали себя в роли литературных героев, поучаствовали в разнообразных конкурсах и веселых играх. В программу были включены не только шуточные вопросы по сказкам, но и загадки-перевертыши, вопросы на смекалку. А также на свежем воздухе прошли разные спортивные мероприятия. Ребята очень активно участвовали, несмотря на разницу в возрасте. 🌈В завершении праздника прошел конкурс рисунков «Наша планета глазами детей». Ребята рисовали сказочных персонажей, своих любимых героев и конечно же солнышко - символ доброты, тепла, лета и каникул. ⚡️Чудесная программа подарила детям массу позитивных эмоций, хорошее настроение и новые знакомства.

Ялти сӑваплӑ вырӑна тирпей-илем кӳчӗҫ...     Ҫулсерен упранса пыракан йӑлана малалла тӑсса Сителте паян черетлӗ субботника пуҫтарӑнчӗҫ. Ял старости Юрий Степанов йӗркелесе, ертсе пынипе масар ҫинче, ҫавӑн пекех ун тулашӗнчи лапама тасатса тирпейлерӗҫ.    Тӑрӑшса ӗҫлекенсем иртнӗ ҫулхи ҫӳп-ҫапа пуҫтарчӗҫ, хӑрӑк туратсенчен тасатрӗҫ. Хӑй тӗллӗн ӳсекен хунавсене касса тирпейлерӗҫ.     Паянхи сӑваплӑ ӗҫе те нумайӑн ырласа масар ҫине кашни килтенех тухрӗҫ. Инҫетре пурӑнакансем те айккинче тӑрса юлмарӗҫ. Масар тирпейлеме инҫетри ял-хуларан килсе субботника хутшӑнма кӑмӑл турӗҫ.    Пӗр ҫемьери пек вӑй хунишӗн, ялшӑн чунтан  тӑрӑшнишӗн Юрий Степанов староста пурне те тав турӗ.  Пӗрле килӗштерсе ӗҫленирен хакли нимӗн те ҫук. Ун чухне ҫеҫ тивӗҫлӗ кӑтартусем пулаҫҫӗ терӗ вӑл.

Ҫук, манмастпӑр сире, паттӑр халӑх!     Çĕр çинче чи илемли -  пурнăç, чи хăрушши – вилĕм. Эпир  пурнăçа пурте питĕ юрататпӑр, анчах та пурнăçпа хавхаланса пурăнас ĕмĕте тăшмансем сĕмсĕррĕн таптаса тăкаҫҫӗ. Акӑ Тӑван Ҫӗршывӑн Аслӑ вӑрҫи тӑватӑ ҫул кӗрленӗ. Ҫак вӑхӑтра миллионшар ҫын пурнӑҫран уйрӑлса кайнӑ.    Ҫӗр йӑтайми хуйхӑ, инкек кӑтартнӑ ҫак хаяр вӑрҫӑ. Кашни ҫемьенех вӑл асаплантарнӑ. Тӗрлӗ ял-хуласенченех пин-пин паттӑр тӑшманпа ҫапӑҫма тухса кайнӑ. Анчах та Ҫӗнтерӗве пурте кӗтсе илеймен. Нумайӑшӗ паттӑрла ҫапӑҫса пирӗн ирӗклӗхӗшӗн пуҫӗсене хунӑ.     Раҫҫейре кашни ҫулах Майӑн 9- мӗш тӗлне  ҫак  салтаксене асра тытса, вӗсен умӗнче пуҫ тайса "Вилӗмсӗр полк" акци иртет. Сителсем те вӑрҫӑра пулнӑ хӑйсен тӑванӗсемпе мӑнаҫланса акцине хутшӑнса утрӗҫ. Ятарласа хатӗрленӗ ветерансен, паттӑрсен сӑн ӳкерчӗкӗсене йӑтса пырса вӗсем ӗмӗр-ӗмӗр вӗсен умӗнче парӑмра пулнине каларӗҫ. Ҫӗнтерӳ кунне парнеленине шута илсе кашни паттӑрпах мухтаннине ҫирӗплетрӗҫ.

С Днем Великой Победы🌟