Көрүндүк берүү кыргыз калкында эзелтен бери келе жаткан салттардын бири.

Көрүндүк демейде келин келгенде, ымыркай төрөлгөндө деги эле жакшы жышаан алдында айтылат. Бүгүн биз наристелүү болуп сүйүнгөн учурдагы көрүндүк тууралуу сөз кылалы.
Ымыркайга той бергенде, жентек жедиргенде келгендерден адатта көрүндүк сурашат. Келген тарап, баланы көрүү үчүн акча беришет. Көрүндүктү баланын чоң энеси, же баланы көтөрүп турган тестиер кыз алат. Көрүндүксүз көрсө, бөбөк кийин өңү серт, көзгө сүйкүмсүз болуп калат деген ишеним белгилүү. Ошол себептүү кокустан жолугуп, жанында көрүндүккө берерге эч нерсеси жок болуп калгандар: "Көркү жок болуп эле аман-эсен чоңоюп, эл ичинде жүрө берсин" деп, баланын мурдунан чымчып өөп коюшат. Көрүндүктү кийин берем деп убада кылып, баланы көрүп, кийин айтканын берсе да болот. Албетте, адам көрүндүктү өзүнүн кадыр-баркына, мүмкүнчүлүгүнө, баланын ата-энеси, туугандары менен болгон мамилесине жараша берет
______
#Саякбайтасмасы #Саякбайманасчы #кызыктуу_фактылар #кыргыз_каада_салттары #көчмөндөр_туууралуу #Кыргызстан #Бишкек #Ош #Жалалабад
#Ысыккөл #Баткен #Чүй #Ош