საქართველო და სამეზობლო

🔴 აქუბარდია ივანიშვილს ემუქრება ეს, მგონი, ძალიან მეტისმეტია! დავით აქუბარდია საკუთარი სტუდიიდან მიმართავს ბიძინა ივანიშვილს, შენ და შენს ოჯახს ნიკოლოზ მეორის ბედი გელითო. ‼ არადა, რუსეთის უკანასკნელი იმპერატორი ნიკოლოზ მეორე, მისი ცოლი და 5 შვილი ბოლშევიკებმა ხელის აუკანკალებლად, ცივ სისხლიანად დახვრიტეს!!! ნეტა, თუ ხვდება, რა სიგიჟე თქვა?

🔴 ბავშვებს შეეშვით!!! ეს კადრები გუშინ გაავრცელა „ტვ პირველმა“ - ქვეყანას ანახა, რომ საპროტესტო აქციაზე ყოველდღე დადის „პოლიტიკურად მომწიფებული“ ერთი ათიოდე წლის ბიჭუნა. მერე მიკროფონიც დაუთმო და „ოცნების“ დეპუტატებისადმი გზავნილიც გააკეთებინა. ბავშვმაც აიღო და ისეთი შემართებით თქვა „თავისი“ (!!!) სათქმელი, მართლა დავიზაფრე. კომენტარის გაკეთება მიჭირს. ძალიან პატარაა ეს ბავშვი იმისთვის, რომ ან ჭკუა მოვკითხოთ და ან პასუხი მოვთხოვოთ. მშობლებზე კიდევ, აბა, რა გითხრათ? ამის მშობლებს ალბათ უხარიათ კიდეც, შვილი გაგვიტელევიზორეს და ქვეყანას გააცნესო. რავი, რაღაც მთლად სწორი არ მგონია ეს დამოკიდებულება. თქვენ რას იტყვით?

🔴 კიედვ ერთი ფარული ჩანაწერი სააგენტო for.ge-მ კიდევ ერთი ფარული ჩანაწერი გაავრცელა. ჩანაწერში ცნობილი აქტივისტების - ნატა ფერაძისა და ლაშა ფირცხალაიშვილის საუბარი ისმის. თავიდან ფერაძე ლაპარაკობს პროტესტის გეგმებზე, მერე კი ფირცხლაიაშვილი ისეთ რამეს ამბობს, სისხლი გამეყინა 😡

🔴 და ადგა დავით - მეფე ქართველთა! ეს კლიპი კარგა ხნის წინაა გადაღებული და ალბათ, ბევრს გაქვთ ნანახი. მაგრამ ისე მიყვარს, ისე მაამაყებს და ჟინით ისე მავსებს, რომ უნდა გაგახსენოთ.

🔴 ოპოზიციას ფარული ჩანაწერები გაუვრცელეს საინფორმაციო ანალიტიკურმა პორტალმა „ფორ.გემ“ წუხელ ორი ფარული აუდიოჩანაწერი გაავრცელა. აქედან ერთი ნიკა გვარამიას, მისი თანაპარტიელი ნიკა ფარულავასა და „ნაცმოელი“ აკაკი მინაშვილს შორის საუბარია - რა დროსაც საქართველოში ევროკავშირის ელჩ პაველ ჰერჩინსკის ქმედებებს „იწუნებენ“, მეორე კი ფარულავასა და მინაშვილისა - რა დროსაც ხვიჩა კვარაცხელიას უშვერად აგინებენ. ჩანაწერებს ნიკა გვარამია საკუთარ ფბ-გვერდზე გამოეხმაურა, მინაშვილსა და ფარულავას კედლებზე კი ამასთან დაკავშირებული კომენტარები ჯერ არ ჩანს. ნიკა გვარამია წერს: „იმედია, ვინმეს სერიოზული მოლოდინი არ აქვს, რომ სუსის ამ სულელურ აუდიო ფაბრიკაციებზე კომენტარს გავაკეთებთ ან მე, ან ჩვენი გუნდი. მეასეჯერ აკეთებენ ქოცები ამას ჩემს წინააღმდეგ ბოლო 10 წლის განმავლობაში. როგორც აქამდე “იმუშავა”, აწიც ეგრე იმუშავებს. წერეთ და იკითხეთ, მაინც გაგისტუმრებთ ხელისუფლებიდან“. ნახეთ, მოუსმინეთ და დასკვნა თავად გააკეთეთ.

🔴 სუს-ის განცხადება საქართველოს საკონსტიტუციო უსაფრთოების სამსახურმა რამდენიმე წუთის წინ განცხადება გაავრცელა. აგერ, უცვლელად გთავაზობთ - ცოტა მოზრდილი კია, მაგრამ აუცილებლად წასაკითხი მგონია: „გვსურს საზოგადოებას ვაცნობოთ, რომ მიღებული ინფორმაციით, პირთა გარკვეული ჯგუფები ცდილობენ საქართველოს პარლამენტთან მიმდინარე აქციების დროს მოაწყონ პროვოკაციები, რაც მიზნად ისახავს დესტრუქციული და ძალადობრივი სცენარების განვითარებას და რომელიც იმართება უცხო ქვეყნებიდან მომდინარე დაფინანსებით, საპარლამენტო და არასაპარლამენტო კონკრეტული პოლიტიკური პარტიების ლიდერების და არასამთავრობო ორგანიზაციათა ხელმძღვანელების მიერ. აღნიშნულ დანაშაულებრივ გეგმებში აქტიურად არიან ჩართული ქვეყნის გარეთ მყოფი საქართველოს მოქალაქეები, კერძოდ, უკრაინაში მებრძოლი ქართველების კონკრეტული ნაწილი, რომლებიც აცხადებენ მზადყოფნას, ჩამოვიდნენ საქართველოში და აქტიური მონაწილეობა მიიღონ პოლიციის წინააღმდეგ დაგეგმილ ძალადობაში. ზემოთ აღნიშნული პირები აქტიურ კომუნიკაციაში არიან საქართველოში მყოფ თავის თანამოაზრეებთან და განიხილავენ პარლამენტის, მთავრობის ადმინისტრაციისა და სხვა სამთავრობო შენობების ბლოკირების და პარალიზების გეგმებს. კონკრეტული პირები აქტიურად განიხილავენ საჭიროების შემთხვევაში სპეციალური დანიშნულების რაზმზე იერიშის მიტანის გეგმებს, რასაც მოჰყვება სიტუაციის სრული დაძაბვა. სპეციალური დანიშნულების რაზმის და პოლიციის განეიტრალების მიზნით, დანაშაულებრივი ქმედების ორგანიზატორები, ხშირ შემთხვევაში რეალური მიზეზების გამხელის გარეშე, საპროტესტო მუხტის მატარებელ ახალგაზრდებს ავალებენ, პარლამენტის წინ მიიტანონ ადვილად აალებადი ნივთიერებები, რაც შემდგომში გამოყენებული იქნება ე.წ. „მოლოტოვის კოქტეილების“ დამზადების მიზნით, აგრეთვე, სამართალდამცავებთან დაპირისპირებისთვის გამოსაყენებლად გაცემული აქვთ აქციაზე ქვების და რკინის ხელკეტების ფარულად მიტანის დავალება. მიმდინარე საპროტესტო აქციების მსვლელობისას მისი ორგანიზატორები მასობრივი არეულობის, ქაოსის და სამართალდამცავი ორგანოების პროვოცირების მიზნით, იმართებიან უცხოეთის ინსტრუქტორების მიერ გაცემული დავალებებით და აქტიურად იყენებენ ორგანიზაცია „CANVAS“-ის და პიტერ აკერმანის მიერ ჩატარებული ძალადობრივი სწავლებების მეთოდებს, რომლის მიზანია მიმდინარე პროცესების ე.წ. „მაიდანიზაცია“ და ქვეყანაში 90-იანი წლების სამოქალაქო დაპირისპირების მსგავსი მოვლენების პროვოცირება. აღნიშნული დესტრუქციული გეგმის ნაწილად, ცალკეული პოლიტიკოსები და აქციის რადიკალი ორგანიზატორები აუცილებლად მიიჩნევენ თბილისის სატრანსპორტო კვანძების პარალიზებას, სამთავრობო დაწესებულებებთან მისასვლელი და სტრატეგიული ობიექტების გზების ბლოკირება-ბარიკადირებას, რკინიგზის ბლოკირებას, ცენტრალურ გამზირებზე ე.წ. კარვების ქალაქების მოწყობას, სამართალდამცავი ორგანოების დისლოკაციის ბაზების ბლოკირებას. აღნიშნული დანაშაულებრივი გეგმების რეალიზებისთვის გამოიყენება უცხოეთიდან შემოსული ფინანსები, ხოლო მათი აზრით, კვალის დაფარვის მიზნით ხშირ შემთხვევაში იყენებენ კრიპტოვალუტას. კრიპტოვალუტასთან დაკავშირებული ტრანზაქციების შესახებ, უცხოელი ინსტრუქტორების მიერ, საქართველოში მიმდინარე წლის აპრილის ბოლოს ჩატარდა ტრენინგები, სადაც აქციის ორგანიზატორებმა მიიღეს ინსტრუქციები რადიკალური ქმედებების დაფინანსების ფარულად მიღების თაობაზე. აღნიშნული დანაშაულებრივი ქმედების ხელშესაწყობად და წარმატების მისაღწევად მიიჩნევენ, რომ უნდა მოხდეს სამართალდამცავი ორგანოების თანამშრომელთა პროვოცირება. უფრო მეტიც, დაინტერესებული მხარის მხრიდან ერთი გასროლაც კი გამოიწვევს პანიკას, ჭყლეტას და შესაბამისად დემონსტრანტთა შორის მძიმედ დაშავებულ პირებსა და მსხვერპლს. აქციის ორგანიზატორებისთვის სასურველია საპროტესტო აქციებს მოჰყვეს ადამიანური მსხვერპლი. მათი აზრით, აღნიშნული სავალალო შედეგები გაზრდის საპროტესტო მუხტს და რადიკალიზმს. საპროტესტო აქციის ორგანიზატორების აგრესიის განსაკუთრებულ სამიზნეს წარმოადგენენ სამართალდამცავი ორგანოს თანამშრომლები. მათი დემორალიზების და პროვოცირების მიზნით გამოიყენება ე.წ. „ფერადი რევოლუციების“ მოწყობასთან დაკავშირებული ისეთი მეთოდები, როგორიც არის მათ მიმართ მუქარა, მოსყიდვა, საპროტესტო აქციის მონაწილეთა მხარეს მათი გადასვლის ინსცენირება, რაც საბოლოო ჯამში მიზნად ისახავს სახელმწიფო სტრუქტურების ჩამოშლას და ხელისუფლების ძალადობრივი გზით დამხობას. მოვუწოდებთ საპროტესტო აქციებში მონაწილე ახალგაზრდებს, არ აჰყვნენ პროვოკაციებს, ხოლო ორგანიზატორებს მივმართავთ, რომ მათი დესტრუქციული გეგმების განხორციელების შემთხვევაში, სამართალდამცავი უწყებების მიერ, გატარდება მყისიერი სამართლებრივი ღონისძიებები, რათა არ მოხდეს მოვლენათა ესკალაცია, გამოირიცხოს ქვეყანაში არეულობა, სამოქალაქო დაპირისპირება და შენარჩუნებული იქნეს მშვიდობა“.

🔴 ევროპული სასამართლოს გადაწყვეტილება ადამიანის უფლებათა ევროპულმა სასამართლომ საქართველოს მთავრობას 2019 წლის 19-20 ივნისის, ანუ „გავრილოვის ღამის“ დარბევის დროს დაზარალებულ პირთათვის ჯამში 153 600 ევროზე მეტის გადახდა დაავალდებულა. ამ გადაწყვეტილებას მხარი ექვსმა მოსამართლემ დაუჭირა, ერთი კი წინააღმდეგი იყო. საქართველოს მთავრობას ამ თანხების ანაზღაურება დაშავებულებისთვის 3 თვეში ევალება.

🔴 SSU-მ ზელენსკის მკვლელობა აღკვეთა უკრაინის უშიშროების სამსახურმა (SSU) პრეზიდენტ ვოლოდიმირ ზელენსკისა და ქვეყნის სხვა უმაღლესი ლიდერების მკვლელობა აღკვეთა, რომლის მომზადებაშიც უწყებამ რუსეთის ხელისუფლება დაადანაშაულა. როგორც SSU წერს, იგეგმებოდა ზელენსკის, კირილ ბუდანოვისა და SSU-ს შეფის, ივან მალიუკის მოკვლა. ოპერაციის ფარგლებში დაკავებულია უკრაინის სახელმწიფო უშიშროების სამსახურის ორი პოლკოვნიკი, რომლებიც პრეზიდენტის უსაფრთხოებაზე იყვნენ პასუხისმგებელი. ვასილი მალიუკი წერს, რომ საიდუმლო სამსახურის ოპერაციის შესახებ ძალიან ცოტამ იცოდა და ის პირადად აკონტროლებდა მის მსვლელობას.

🔴 ცემა-ტყეპა შვედეთის საელჩოსთან შვედეთის საელჩოსთან ხელჩართული ჩხუბი მოხდა. IDFI-ის დირექტორ გიორგი კლდიაშვილსა და ტელეკომპანია „ფორმულას“ გადამღებ ჯგუფს მოქალაქე, როგორც მოგვიანებით დადგინდა, რეზო ვაშაყმაძე გაუსწორდა. როგორც „ფორმულა“ წერს, შემთხვევა მაშინ მოხდა, როდესაც კლდიაშვილი მედიასთან კომენტარს აკეთებდა.

🔴 მაგნიტური ქარიშხლები მაისში მზის რენტგენული ასტრონომიის ლაბორატორია აქვეყნებს კალენდარს, რომელზეც მაისსა და ივნისის დასაწყისში მოსალოდნელი მაგნიტური ქარიშხლებია მონიშნული. ეს კალენდარი ასე გამოიყურება: