Дарогі, лазня, водазабеспячэнне
Што хвалюе жыхароў Маладзечаншчыны
4 лютага старшыня Маладзечанскага райвыканкама Юры Горлаў правёў прамую лінію, паведамляе mgazeta.by. Было шэсць зваротаў.
З чым звярталіся жыхары Маладзечаншчыны?
Жыхарка вёскі Івонцавічы звярнулася з просьбай вырашыць пытанне па воданапорнай вежы, што на балансе сельгаспрадпрыемства, а таксама звярнула ўвагу на неабходнасць заканчэння рамонту дарогі. Старшыня растлумачыў, што ў першую чаргу асфальтуюць ўчасткі дарог, што ў крытычным стане. Рамонт дарогі ў вёсцы закончаць у працоўным парадку.
Па равядзенні цэнтральнага водазабеспячэння патэлефанавалі пенсіянеры з Насілава і Краснага. Праблему вывучаць з выездам на месца

Фотафакт. Ля дарогі на Валожыншчыне гуляюць дзікія коні
У выхадныя іх сустрэла наша чытачка каля вёскі Цаюны, што ў Валожынсім раёне.
Па яе словах, бачыла жывёл і ў суботу, і ў нядзелю. Толькі ў суботу яны не даліся сфатаграфавацца, а ў нядзелю атрымалася.
Чытачка мяркуе, што гэта тарпанавідныя коні — насельнікі Налібоцкай пушчы.
У Налібоцкай пушчы гэтыя жывёлы жылі некалькі стагоддзяў таму, а пасля па віне чалавека зніклі: коні лічыліся шкоднымі для сельскай гаспадаркі, а іх мяса можна было есці. 
Было некалькі спроб аднавіць папуляцыю. А ў 2019 годзе тарпанавідных коней завезлі ў Налібокі з запаведніка з Нідэрландаў.
Фота забяспечанае чытачкай.

Упершыню пасля пандэміі актавыя залы былі поўныя
Як прайшлі вечары сустрэчы з выпускнікамі ў рэгіёне
Учора ў школах рэгіёна выпускнікі сабраліся на вечар сустрэчы. 
Так, у Даўгінаўскай сярэдняй школе не Вілейшчыне сабралася больш за сто гасцей з Беларусі і блізкага замежжа. Упершыню за гады пандэміі актавая зала зноў была поўная, паведамляюць тут. Не абышлося без традыцыйных сустрэч у класных кабінетах, абдымкаў і слёз у калідорах школы,  фотасесій і вялікага святочнага канцэрта са школьным вальсам.
Сустрэла сваіх выпускнікоў і СШ №3 Вілейкі. Тут таксама фатаграфаваліся ў школьных фотазонах, слухалі прамову дырэктара, кранальныя ўспаміны выпускнікоў і канцэртную праграму. 
У старэйшай ш

Сёння ў Маладзечне на Вялікім Гасцінцы гарэла кватэра
Уратавалі дваіх
Сёння каля 13.20 на Вялікім Гасціцы ў Маладзечне гарэла кватэра ў шматпавярховіку.
– Прыбыўшы да месца чатырма аддзяленнямі і з аўталесвіцай, мы ўбачылі ўзагаранне ў кватэры на другім паверсе, – распавёў Дзмітры Таратута, старшы памочнік начальніка цэнтра аператыўнага ўпраўлення Маладзечанскага ГРАНС. – Створаныя звёны газадымаахоўнай службы прыступілі да правядзення разведкі і падалі ствол на тушэнне. У пад'ездзе назіралася шчыльнае задымленне. На лесвічнай клетцы другога паверха мы знайшлі мужчыну і вынеслі яго на вуліцу. Выратаванага перадалі брыгадзе хуткай медыцынскай дапамогі. З паверха вышэй пры дапамозе ратаваль

Паездкі на бульбу, сапраўдныя сябры, малюнкі на партах і… вежавы кран
У Вечар сустрэчы нашы чытачы прыгадалі школьныя гады
Сёння ў школах рэгіёна выпускнікі збіраюцца на традыцыйныя вечары сустрэч. Мы папрасілі чытачоў прыгадаць свае школьныя гады.
Юлія Жук, Вілейка:
– Школу скончыла 17 год таму. Спадзяюся, калі будзе 20 гадоў, наш клас абавязкова збярэцца на вечар сустрэчы. Нягледзячы на ўсе цяжкасці, школьныя гады былі найлепшымі для мяне. Гэта такі досвед, які набываеш на ўсё жыццё. Гэта людзі, якія прыходзяць у тваё жыццё і прыносяць у яго досвед: нехта – добры, нехта – дрэнны. Але ты павінен усё гэта прайсці.
Я вучылася ў вясковай школе на Вілейшчыне, у Хадасах. Калі скончыла вось

Для адных — 25 мая, для другіх — 31
Калі ў школах сёлета скончацца заняткі
Міністэрства адукацыі дала рэкамендацыі па завяршэнні навучальных заняткаў і заканчэнні гэтага навучальнага года.
Урокі завяршаюцца 31 мая, а для навучэнцаў 9 і 11 класаў — 25 мая. 
Засваенне зместу навучальных праграм для навучэнцаў 11 класа завяршаюцца:
• 12 мая — па вучэбных прадметах "Беларуская мова", "Руская мова";
• 19 мая — па вучэбных прадметах, якія навучэнцы выбралі для здачы ў якасці другога цэнтралізаванага экзамену;
• 25 мая – па ўсіх навучальных прадметах, па якіх навучэнцы не здаюць цэнтралізаваныя экзамены.

У гаспадарцы Смаргоншчыны на працы затрымалі нецвярозага палявода
2 лютага падчас рэйду міліцыянеры Смаргоні на прадпрыемстве  затрымалі 38-гадовага палявода. На працоўным месцы работнік быў з бачнымі прыкметамі алкагольнага ап'янення. У выдыханым паветры зафіксавана два праміле алкаголю.
Міліцыя склала пратакол аб адміністрацынай адказнасці, паведамляе УУС Гродна.
Фота: soulcar.ru.

У міліцыю Маладзечна нехта паведаміў пра самагонны апарат 
Па ўказаным адрасе знайшлі і апарат, і брагу
У міліцыю паступіла інфармацыя пра самагонны бізнес у адным з мікрараёнаў Маладзечна. Міліцыянеры выбылі па ўказаным адрасе і знайшлі вытворчасць моцнага алкагольнага напою.
У гаражы на прысядзібным участку быў самагонны апарат, а ў трох палімерных ёмістасцях — крыху больш за паўтары тоны брагі. Бутлегерам аказаўся беспрацоўны 33-гадовы мясцовы жыхар. Гаспадар міні-завода растлумачыў, што самагонку варыў выключна для асабістых патрэб.
Вытворчы агрэгат дэмантавалі і канфіскавалі, паўфабрыкаты канфіскавалі і знішчаны. Узоры спіртазмяшчальнай вадкасці накіравалі на экспертызу, па выніках

У школе №3 апранулі... дрэвы
Акцыю "Апранi дрэва" у стылі ярнбомбiнг правялі ў Вілейскай СШ №3. Актыўны ўдзел прынялі вучні другіх класаў. Хлопчыкі і дзяўчынкі з 2-а і 2-б апранулі дрэвы
— Спадзяёмся, што ні адно дрэва не замерзне, — кажуць у школе.
Ярнбомбінг — гэта вязанае графіці,  якое з'явілася параўнальна нядаўна. У аснове — вязанне. Гэта свайго роду выклік гарадской прасторы. Майстры ствараюць сапраўдныя шэдэўры, упрыгожваючы горад. Яны вяжуць палотны для ўсяго навокал: дрэў, лавачак, вулічных слупоў, дарожных знакаў, пажарных лесвіц, помнікаў і іншых элементаў архітэктуры. Асноўная мэта ярнбомбінгу — упрыгожыць гарадскую прастору і ўнесці больш яркіх фарбаў, што асабліва актуаль

Як будуць харчавацца настаўнікі ў школах
Аплата за абед, які для дзяцей датуецца дзяржавай, для настаўнікаў будзе праводзіцца з невялікім павышаючым каэфіцыентам. Пра гэта паведаміў міністр адукацыі Андрэй Іванец, піша БелТА.
— Ва ўсіх школах месцы для прыёму ежы педагогамі абсталяваныя, а выкананне гэтай нормы знаходзіцца на пастаянным кантролі, — заявіў Іванец, дадаўшы, што ўсе аблвыканкамы цяпер чарговы раз праводзяць маніторынг.
Ён запэўніў, што ў большасці школ настаўнікі могуць харчавацца ў школьнай сталовай. У выпадку, калі абеды гатуюць камбінаты школьнага харчавання, настаўнікі могуць аплаціць свой абед самі, а вось там, дзе харчаванне арганізуе сама школа, сітуацыя больш складан