Сёння набылі сілу новыя заходнія санкцыі ў дачыненні да нафтагазавага сектара Расіі.

Са снежня 2022 года дзейнічалі абмежаванні на ўвоз расійскай сырой нафты і нафтапрадуктаў у ЕС. Цяпер ЕС разам з іншымі замежнымі партнёрамі ўсталявалі дадатковыя лімітавыя значэнні цэн на дызельнае паліва і мазут.

Мяркуецца, што такое рашэнне не толькі адаб'ецца на прыбытках Расіі, але і дапаможа стабілізаваць глабальныя энергетычныя рынкі.

“Мы прымушаем Пуціна плаціць за яго жорсткую вайну. Расія плаціць высокую цану, бо нашы санкцыі падрываюць яе эканоміку, адкідаючы яе на пакаленне назад. Сёння мы яшчэ больш узмацняем ціск, уводзячы дадатковыя коштавыя рэстрыкцыі на расійскія нафтапрадукты”, — сказала старшыня Еўрапейскай камісіі Урсула фон дэр Ляен.

Сярод краін, якія падтрымалі гэтыя санкцыі ЕС — Аўстралія, Канада, Японія, Вялікабрытанія і ЗША.

Крыніца :http://ok.ru/euroradio