«У 63 гады ў такіх умовах. За што?». Пачынаюць судзіць былога журналіста Радыё Свабода Алега Грузьдзіловіча Напярэдадні суду над Алегам Грузьдзіловічам ягоная жонка Мар’яна пераказала апошнія навіны ад мужа. https://svb1234.azureedge.net/a/31730643.html

Алесь Бяляцкі пасьля зачытваньня абвінавачаньняў на судзе заявіў, што яму не ў поўнай меры зразумелы тэкст, бо ён быў агучаны на расейскай мове.
Судзьдзя Марына Запасьнік сказала, што гэта можна расцэньваць як зацягваньне працэсу. Бяляцкі адказаў, што гэта парушэньне яго правоў.
Нагадаем, суд адхіліў хадайніцтва аб вядзеньні працэсу па-беларуску. «Абвінавачаным было выстаўлена абвінавачаньне на расейскай мове. Вы можаце выкарыстоўваць любую зь дзьвюх дзяржаўных моў, суд вас зразумее», — так абгрунтавала судзьдзя Запасьнік адмову весьці судовы працэс на беларускай мове.
У судзе па «справе Вясны» абвешчаны перапынак да 6 студзеня, працэс пачнецца ў 10:30.

Зьміцер Салаўёў, чацьвёрты абвінавачаны ў справе праваабаронцаў «Вясны», які знаходзіцца за межамі Беларусі і якога судзяць завочна, пракамэнтаваў Свабодзе пачатак працэсу.
https://rferl.link/w6pn

Каго залічваць да палітвязьняў? Свае падыходы тлумачаць юрыст «Вясны» Сапелка і лідэр dissidentby Касінераў.
Касінераў: «Зараз у Беларусі беспрэцэдэнтная сытуацыя, і кіравацца крытэрамі дзесяцігадовай даўнасьці не зусім адэкватна».
Сапелка: «Гэтыя крытэры дастаткова ўнівэрсальныя, каб ужываць іх і цяпер, і раней».
Ці могуць тыя, хто ўжываў гвалт, лічыцца палітвязьнямі? Ці павінны праваабаронцы ісьці насустрач просьбам зьняволеных выключаць іх са сьпісаў палітвязьняў?
https://rferl.link/GLaD

ГУБАЗіК затрымаў сьвятара Дзяніса Карасьцялёва за малітву за абаронцаў Украіны ў менскім храме, пра гэта паведамляюць праўладныя тэлеграм-каналы.
Як пішуць сілавікі, сьвятар «мае нацыяналістычныя тату, распаўсюджвае бчб-сымболіку і адпаведныя ідэі, а таксама гуляе ў кампутарныя гульні пад дзіўным нікам».

Пачаўся працэс над Нобэлеўскім ляўрэатам Алесем Бяляцкім і праваабаронцамі «Вясны».
Вось як яны цяпер выглядаюць.
Алесь Бяляцкі, Валянцін Стэфановіч і Ўладзімер Лабковіч на судзе знаходзяцца ў мэталічнай клетцы, у залу перад працэсам дапусьцілі прадстаўнікоў дзяржаўных СМІ.
Фота публікуе БелТА
Падрабязьней:
https://rferl.link/8V2b

Пазьняк лічыць, што палітвязьняў рэжыму Лукашэнкі варта лічыць палоннымі, захопленымі ў час акупацыі Беларусі і прапанаваў абмен палітвязьняў на зьняцьце санкцый.
«Эканамічныя санкцыі зрабілі горш народу Беларусі, але не пахіснулі рэжым Лукашэнкі, толькі больш загналі яго ў залежнасьць ад Пуціна і выклікалі расейскую акупацыю Беларусі. Вось што натварылі антыбеларускія эканамічныя санкцыі».
Таксама Пазьняк выказаўся і пра ўкраінскі бок, які, паводле яго, сваімі абразамі можа штурхаць беларусаў да падтрымкі Расеі.
https://rferl.link/nQD4

Сьвятлана Ціханоўская пракамэнтала завочны «суд» над сабою. Працэс над ёй, а таксама Вольгай Кавальковай, Сяргеем Дылеўскім, Марыяй Мароз і Паўлам Латушкам пачнецца 17 студзеня. Усе фігуранты знаходзяцца за мяжой.
У гэтыя дні Ціханоўская будзе на міжнародным эканамічным форуме ў Давосе, які пройдзе 16–20 студзеня. Яна будзе там першай прадстаўніцай Беларусі за 30 гадоў. Апошні раз Беларусь на ім прадстаўляў Станіслаў Шушкевіч.

«Віталюр» зьбіраецца здаваць амаль усе свае крамы ў арэнду канкурэнтам, каб расплаціцца з пазыкамі і пастаўшчыкамі.
Яшчэ ў верасьні ў «Віталюра» праз суд патрабавалі вяртаньня пазык на 4,5 мільёна рублёў.
Гучалі й вэрсіі, што гісторыя «Віталюра» можа скончыцца банкруцтвам.
Разьбіраемся, што да гэтага прывяло і чаго чакаць далей:
https://rferl.link/eOlY

Расейскія партызаны спынілі вайсковыя цягнікі ў ноч на 4 студзеня, — украінская выведка.
Сёлета гэта ўжо прынамсі шосты выпадак зьнішчэньня блёкаў сыгналізацыі, цэнтралізацыі і блякаваньня на чыгунцы ў розных рэгіёнах Расеі.
Летась іх было ў Расеі каля 40, паводле ўкраінскай выведкі.
https://rferl.link/DnQe

Паўліне Лосік споўнілася чатыры гады, яе бацькі Ігар і Дар'я застаюцца за кратамі.
Паўліна 2,5 гады ня бачылася ўжывую з татам і 2,5 месяцы — з мамай. Свой дзень народзінаў дзяўчынка сустрэла з бабулямі і дзядулямі.
Павітаць зьняволеных бацькоў Паўліны лістом, тэлеграмай можна па адрасах:
Лосік Дар’і Аляксандраўне, 224030, вул. Савецкіх пагранічнікаў, 37, СІЗА-7, Берасьце, Беларусь
Лосіку Ігару Аляксандравічу, ПК № 1, 211445, г. Наваполацак, вул. Тэхнічная, 8, 7 атрад.