Oybek Sattorov

Ҳаммани ўзига инсоф берсин… Рўзаи Рамазон ойида айниқса, ҳалоллик ва поклик энг юқори қадрланади. Шу муқаддас кунларда болалар ҳаққини ейиш — бу нафақат қонунга, балки инсонийликка ҳам зид бўлган ўта пасткашликдир. Аввал “Гарден Катеринг” корхонаси томонидан таомлар тайёр ҳолда етказиб берилган бўлса, ҳозирги анъанавий тизимга ўтиш натижасида айрим жойларда салбий ҳолатлар кузатилмоқда. Жумладан, Қува туманидаги 53-сонли боғчада болалар учун ажратилган озиқ-овқат маҳсулотлари ўз манзилига етиб бормасдан, талон-тарож қилинаётгани ҳақида маълумотлар бор. Бу ҳолатга бефарқ қараб бўлмайди. Болалар — келажагимиз. Уларнинг ризқини ўғирлаш — келажакка хиёнат қилиш билан баробар. Масъул ташкилотлардан ушбу ҳолатни зудлик билан ўрганиб чиқиш, айбдорларга қонуний чора кўришларини сўраб қоламиз. Жамоатчилик ҳам бу каби ҳолатларга бефарқ бўлмаслиги керак. Инсоф, виждон ва адолат ҳар бир инсоннинг қалбида бўлсин. Манба: Ўзбекистон талими расмий телеграм канали