Узорны фальклорны дзіцячы гурт "Валошкі" Новінскага СДК прыняў удзел у Vll адкрытым конкурсе беларускіх народных танцаў "Ветразь - 2024" у горадзе Мінску.
Скарбонка творчых перамог калектыва папоўнілася дыпломамі l-ай і lll-яй ступені, а кіраўнік - Святлана Клімовіч узнагароджана Падзячным лістом за высокі прафесіяналізм, асабісты ўклад у захаванне і папулярызацыю беларускай нацыянальнай культуры.
Конкурсная праграма для танцавальных пар прадугледжвала выкананне рэгіянальных варыянтаў беларускіх народных парных танцаў:" Лявоніха"," Полька імправізаваная"," Мікіта" , "Гапак" і інш. Удзел прымалі калектывы з розных куткоў Беларусі.