"Ач койнуңду, кайра кабыл ал",-дебе,
Ала албаган дагы өчүң бар беле?
Босогомо келиптирсиң оо, сүйүү,
Мен көрбөгөн кайсы азабың калды эле?
Оор жолуңду басып өткөм төгүп тер,
Ооруларым өзүң деле сезип көр.
Жарым жолдон адаштырып, кыйнабай,
Келсең сүйүү, түгөнбөгөн болуп кел...
"Жолум катуу, мындан дагы оор",-дебе,
Барып-барып, түзөлөттүр жол деле.
Өзүң деле аячуудай болдуң го,
Көргөнүңдөй басып жүрөм зорго эле...
СЕЗИМ СЫРЛАРЫ...