АЙЫККЫЗ ДАРТ

Бардык оорунун шыпаасы табылышы мүмкүн… бирок атаандашуу, ич күйдүлүктүн, көралбастыктын… ичи тардыктын дабаасы болбойт экен. Жакшы адам эч качан бирөөнүн ийгилигине бут тоспойт, жаман сүйлөбөйт, жакшы гана тилегин айтат. Сендеги же сенин балдарыңдагы ийгиликке кубанмак турсун жакшы сөз айталбай турса түңүлөсүң. Жакшы эле жаап жашырайын дет, бирок ичиндеги нерсе кайнап… көзү менен тилине чыгып, урушаарга шылтоо таппай, жок дегенде күнөөсүз балдарын сабап, каргап шилеп, заматта чуу чыгарса, аттиң дейсиң. Ар бир адамдын өзүнүн жолу болот, бирөөгө бирөө окшош болуш керек эмес да. Бирөөнүн ийгилиги үчүн балдарыңарды жерге уруп "алар антип кетти, силер мынтип жүрөсүңөр"-деген атаандаштык, ич күйдүлүк сапатты колдонбогулачы сураныч. Кичине болсо да ошол балдардын жүрөгүндө терс сапат калып, жөндөн жөн эле душман, атаандаш болуп калат экен балдар да. Баланы ийгилиги бийиктеген сайын душмандыгы ашынып. Ошол кимге керек! Карабай койсо бой көтөрдү дешет, барса чыр ошол кантип болсун? Ар ким өз баласына эртеңки күндү өз алдынча таанытсын… акылына алына жараша. Качанкыга бирөөгө атаандашып, күйүгүп жашашат. Бул эң оор жаза балага. Баланы кичинесинен ич күйдүлүккө үйрөтпөш керек. Өзү изденип өзү тапкан бакыт баалуу болот. Баланын жөндөмүнө жараша жашында тарбиялагыла, анан тың оокат кылган балдарды жөн гана мисал кылгыла демекчимин. Азыркы заманда атаандашып… душман ашыра турган заманбы? Азыр жан баккан баатыр. Илим билим алгандын заманы. Бирөө үчүн эмес, баланы өз кызыкчылыгы үчүн өзүнүн изденүүсүнө жол бергиле ата энелер. Бала жолун, бактысын табыш үчүн бирөөгө атаандаш душман болуштун кереги жок.
Уядан эмне көрсө учканда ошону алат. Азыр бирөөгө бирөө жалдырабайт, иштеген тиштейт, окуган окумуштуу болот, илим алган илимпоз болот. Ак төөнүн карды жарылган заманда пейилди оңдоону өзүбүздөн баштайлы, тырмактай балдарга душман ашырбай. Жардам кыл бирөөгө милдети жок, болбосо такыр жардам кылба. Бир жолу жардам кылып… күнүгө бетиңе кармап күнүгө өлтүргөнүңдүн кимге кереги бар. Кайырмагыңа илиш үчүн, тилин кыска кылыш үчүн жардам кылсаң анда кудай жазаңды берет. Аргасыздыгынан пайдаланып желкелеп турсаң, анын да өтөсүн кудай таразаласын. Улуулугуңду, кичүүлүгүңдү билбей "аддиңден" ашсаң аны да теңдеп койгонго кудай бар. Ошондуктан тегиз эле бололу. Оорунун дарысы ар кимдин өзүндө. Ичи тардыктан арылуу керек болгону ошол. Ичти кең ташта, кеңге кең дүйнө, тарга тар дүйнө.
Жүрөк ооруткан бир окуядан бир сүртүм жаздым
Кундузбү Маматова
{КУКУ}