იცი რა არის სიყვარული?

ზუსტად ის წამი,
რომელიც წამზე სწრაფად ქრება და თან სულ გახსოვს.
დაუგეგმავი საქციელი რომ არ აქვს ზღვარი,
და მაინც ცდილობ ყველა ქცევა თითქოს განსაზღვრო.
იცი რა არის მონატრება? ამ წამის შემდეგ,
ყველა დღეებში რომ კვლავ უცდი ამ წამის სითბოს.
ყველანაირად ემზადები კიდევ რომ შეხვდე,
ფიქრობ, ოცნებობ, თან იხსენებ როგორი იყო.
იცი რა არის მოგონება? წამით რომ გახსოვს.
ეპიზოდებად დაყოფილი მთელი ცხოვრება.
და არასოდეს არ დაგტოვებს შენს თავთან მარტოს.
სანამ არ წაშლის მახსოვრობას შენი გონება.
იცი რა არის სიყვარული? ბედნიერება!
სადაც შენს ფიქრებს გულის ხმიდან მშვიდად მიყავხარ
მარადიულად რომ იქცევა წამიერება.
ზუსტად ამ წამში, ყველაფერზე მეტად მიყვარხარ.