(грыбнымі сцежкамі) ПУНКТ ГЛЕДЖАННЯ У час, калі адыходзяць баравікі і лісічкі, настае сезон для больш позніх грыбоў. І аматараў збору зялёнак, сівушак, рыжыкаў вельмі шмат. У самы сезон, як кажуць. грыбнік на грыбніку месціцца. І не толькі па дарогах ды сцежках ходжана-пераходжана, але людскія вочы перашарылі ўсе ўзвышкі і пагорачкі. Адны збіральнікі адмерваюць кіламетры. а ў кашах паўпуста. другія значна менш пройдуць - і тара поўная. У чым сакрэт? Трэба ведаць пункт гледжання. Напрыклад, тыя ж зялёнкі і падзялёнкі - грыбы скрытныя: пад ігліцай ды пад мохам хаваюцца, а то і зусім у зямлі месцяцца. Іх прысеўшы можна ўбачыць. Прычым, радкамі растуць: грыбніца шнуроч
ІШОЎ КОЦЯ ПА БАЛОЦЕ Раслі ў маці кошкі кацяняткі-блізняткі –Мяўка і Коця. Мяўка ўвесь час гарнулася да мамы, і калі тая адлучалася ў сад ці агарод, плаксіва мяўкала. Мама яе вельмі любіла. Коця ж быў зусім іншым: вяртун, неслух. Іншы раз прападзе недзе, ходзіць маці, мяўкае-гукае. Вось і ў гэты раз: выйшаў Коця за хлеў, а там – трава, кветкі. Адна з іх - жывая. Такая прыгожая! -Ты што, жывая кветка? -Не, я – матылёк. -Ды я цябе раней не бачыў. Ты тут жывеш? -Не, я ўсюды жыву. -Як гэта – усюды? А дзе начуеш?—цікавасць разабрала Коцю. -Таксама ўсюды. Калі цёпла, сплю на любым лісточку, калі холадна – пад лісточкам. А днём лятаю, п’ю сок з кветак і гуляю. Хочаш са мной пагу
КАСТРЫЧНІК Дзясяты месяц каляндарнага года мае назву кастрычнік, найменне якога паходзіць ад слова "кастрыца". Што такое кастрыца, ведаюць толькі людзі пенсійнага ўзросту, бо менавіта на іх долю выпала такая цяжкая праца, як вырошчванне і апрацоўка лёну і канапель. Спрадвек вяскоўцы вялі натуральны вобраз жыцця: самі дабывалі сабе ежу, самі рыхтавалі адзенне. Асноўным матэрыялам для вытворчасці вопраткі былі лён і каноплі. Іх сеялі ў полі, палолі, а вырваўшы , абмалочвалі насенне, а потым лён слалі там жа на полі па зямлі, а каноплі замочвалі ў вадаёмах, каб адзеравянелыя сцяблы (траста) сталі мяккімі. Потым сцяблы падсушвалі і мялі-пераціралі на спецыяльных невялікіх станках - церні