Ғазали Иброҳими Наққош
Ба ҳаққи хешу пайвандон саҳаргоҳон дуо кардам,
Ба ҳаққи зодаи инсон саҳаргоҳон дуо кардам.
Ба ҳаққи ҷумла беморон, ба ҳаққи ҷумла бекорон,
Ба ҳаққи дарди бедармон саҳаргоҳон дуо кардам.
Ба ҳаққи он шифокорон, ба ҳаққи он мададгорон,
Ба ҳаққи нусрати онон саҳаргоҳон дуо кардам.
Ба ҳаққи он муҳоҷирҳо, ба ҳаққи он мусофирҳо,
Ба ҳаққи зумрае сарсон саҳаргоҳон дуо кардам.
Ба ҳаққи пири ботадбири бо ранҷу бало собир,
Ба ҳаққи хубиву эҳсон саҳаргоҳон дуо кардам.
Ба ҳаққи модарони пиру фарзандони бетадбир,
Пайи ислоҳи гумроҳон саҳаргоҳон дуо кардам.
Ба ҳаққи бахти духтарҳо, ки равшан бошад ахтарҳо,
Ба ҳаққи ноҷавонмардон саҳаргоҳон дуо кардам.
Ба ҳаққи беваҳою он ятимони ҷига