Кошуна кыз
Кошуна кыз көңүлүмдү жумшарткан,
Козгоп койдуң жүрөгүмдү жөн жаткан.
Көңүлүңдү буруп койчу бир карап,
Мен баратам, жолугалы өз жактан.
Жөн жатпайт го эми жүрөк сен деген,
Элеп желеп, тынымы жок тердеген.
Ушул кезге байкабастан жүрүпмүн,
Сендей сүйүү сезимиме келбеген.
Көңүл тартып, чуркап бара тургандай,
Сага деген аппак сезим булганбай.
Садагасы кошуна кыз кайдасың?
Чыгып койчу, бир мен үчүн уялбай.
Сүйүүң бар, чын көңүлдөн суранмай,
Келе калчы, сүйүүң болсо сурантпай.
Менде болгон, аппак сүйүүм сен үчүн,
Бир өмүргө ,сүйүп сени кубантмай.
Мына келдим эшигиңдин алдына,
Келсе экен деп кошуна кыз жаныма.
Бир жалт карап койбосоң да жер карап,
Ыйман төгүп, айланчы сен ж