Урматтуу бир туугандар.

Башка темада жазайын деп жаттым эле,бирок жакында болгон бир окуя ушул темада жазууга түрткү болду.Сөз Адал,бирок Аллаhтын ачуусун келтирген,Аллаhты нааразы кылган - талак жөнүндө болмокчу.Урматтуу эже-карындаштар,агалар-инилер сиз мусулман болгондон кийин,өзүнүздүн диниңизди үйрөнүүңүз аябай зарыл !Анткени сиз аялсызбы же эркексизби өзүңүзгө жар тандап жатканда, түбөлүк бейиште да бирге боло турган түгөйүңүздү тандап жатканыңызды түшүнүшүңүз керек.Чындыгында үй-бүлө куруу бул оюн эмес,жана эркектен да ,аялдан да чоң жоопкерчиликти талап кылат.Ошондой эле үй-бүлөнү бузуу,тагыраак айтканда - ажырашуу бул жакшы эмес...
Ажырашкандан Аллаh сактасын, бирок ажырашуунун да илимин,эрежесин,тартибин билип алсаңыздар жакшы болот.Биринчиден эгер бир үй-бүлөдө ажырашуу орун алган болсо,Аллаh ачууланат.Ал эми шайтан ушунчалык кубанып,курсант болот.Ошондуктан эркектерге айтаарым оор басырыктуу болуңуз,сиз ошол үчүн эркексиз.Талак берүүдө эч шашпаңыз,үлгүрөсүз.Жакшысы "талак" деген сөздү унутуп эле коюңуз,мээңизден таптакыр чыгарып эле салыңыз береке тапкыр !
Эң биринчи аалымдардан кеңеш сураңыз,башы көрүнгөн чоң-чоң аалымдардан сураганыңыз жакшыраак болот.Экинчиден балдарыңыз болсо ,балдарыңызды ойлоңуз.Эч бир аял балага өзүнүн энесиндей эне болуп бере албайт,ушуну эсиңизден чыгарбаңыз.Башка аял алсам эле жакшы жашап кетем деген ойдон алыс болуңуз,анткени көбүнчө экинчи турмуш деле биринчи турмуштай эле болот.Аялыңыз менен урушканда сиз айтышпаңыз,эң жакшысы сыртка чыгып кетиңиз,чыгып мечитке барсаңыз жакшы. Аялыңыз да жалгыз калганда ойлонот,сиз да ойлоносуз,акыл калчайсыз.Себеби адам жалгыз калганда өзүнүн кетирген катасын сезет.Сиз баарын жүрөгүңүзгө жакын ала бербеңиз,анча-мынча нерселерге көңүл деле буруштун кажети жок.
Ажырашып кетүү баардык эле адамдын колунан келет,бирок үй-бүлөнү сактап калуу ар бир эле адамдын колунан келе бербейт.Бактылуу үй-бүлө курамын десеңиз сабырдуулук,жумшактык жана чыныгы эркектик сыпат керек....
Эми кээ бир учурда ажырашпаса болбой турган деңгеелге жетип калса, (Кудай андан сактасын !) сиз ошондо да шашпаңыз.Эң негизгиси аалымдардан,улуулардан кеңеш сурагандан кийин ,талак берсеңиз бир эле талак бериңиз.Бир эле талак менен деле ажырашып кетсеңиз болот,бул жерде жакшысы-бир талактан кийин жарашканга мүмкүнчүлүк бар.Сиз ачуу учурунда ойлойсуз :"- болду анык жашабайм,тойдум,эми сүйө деле албайм" деп.Бирок ачуу кеткенден кийин акыл келет,акыл келгенде сиз туура эмес кылганыңызды түшүнөсүз,бирок кеч болуп калган болот.Ошондуктан ачууга алдырбоо керек,ачуу келгенде жогоруда айтылгандай үйдөн чыгып кетүүңүз зарыл.Канча үй-бүлөнү көрдүк :"жашабайм болду ,100 %" деп үч талак берип алып ,кайра жарашкандын кандай жолу бар ,бир жолу бар болсо керек деп,келинчегин ээрчитип алып молдодон молдого барып жүргөндөрдү...Ал эми молдого келсек,молдо эгер илимдүү болсо ,такыба болсо ал сизге шариятты гана айтат.Миллиард акча берсең да,бүткүл дүйнөнүн байлыгын берем десең да,чогуу жашоого эч кандай жол жок экенин айтат.А эгер жөнөкөй эле бир айылдын аксакалын имам кылып койгон болсо ал сизге жол таап берүүсү мүмкүн,бирок өзүңүздү-өзүңүз алдап жашоонун эмне кереги бар???
Кээ бирөөлөр үч талак берип,үчөө тең түшкөнү аныкталса деле кайра жашап жүрүшот.Йаа Аллаh өзүң кечир ! Биринчиден нике жүрбөйт,кийинки төрөлгөн балдар бейнике төрөлгөн болот,.....зынаа болот...
Бирок кее бир адамдар мурун үч талак берип койгон болсо :-" биздики бүтүптүр да "деп ажырашып кетпесин.Чоң аалымдарга барып териштирип алганыңыз оң.Ал үчүн телефондон эмес ,аалымдын алдына келинчегиңиз менен чогуу барышыңыз керек болот.
Дагы кайталайбыз эч качан талак берүүдө шашылбаңыз,эгер бербөөгө жол калбаса анда бир бергенде үч талак бербеңиз...
Жогоруда айтылган нерселерге аялдардын да түздөн- түз тиешеси бар.Сиздин сабырсыздыгыңыз , бир аз жетишпестик болсо канаатсыздык кылып жатканыңыз,эң негизгиси тилиңизди тартпай жатканыңыз себеп.Кээ бир аялдар: "-колуңдан келбейт! Талак бералбайсың!билгениңди кыл!көп болсо талак бересиң да !керек болсо мен сенден коркпойм!жана башка ушул сыяктуу сөздөрдү айтып эркектин намысына тиет.Орусча айтканда провакация кылат.Албетте мындай сөздөрдү көпчүлүк эркек көтөрө албайт.Кээ бир аялдар деп жаздым,баардык аялдар эмес.Негизи шүгүр кылыңыз! Жашооңузга эч нааразы болбоңуз,сиз каяктан билесиз макалда айтылган:" өлбөгөн жан алтын аяктан суу ичет "деп.Көпчүлүк уруш- талаштын баары бул дүнүйөдө кала турган бир нерселер үчүн болуп жатат.Нерселер : үй ,унаа,кийим сизге бир аз жеңилдик бериши мүмкүн, бирок бактылуулук бере албайт.Элестетиңиз үйүңүз бар -бирок балаңыз,күйөөңүз жок болсо,же машина бар аялыңыз жок болсо...
Шүгүр кылалы " үңкүр да болсо үйүм бар,аюу да болсо эрим бар "дегендей шүгүр кылалы.
"Чыккан кыз чийден сырткары" дейт кыргызда.Кыз ажырашып үйүнө барганда бир аз батышы кыйыныраак болот,көрүп эле жүрөбүз.Адамдардан болгон шайтандар бар,алар :не кыласың,ажырашып кет!мындан жакшысына тийип аласың! деп ырбатып турушат.Көбүнчөсү ушундай аялдардын өзүнүн же эри жок,же тилинин айынан эринен токмокту да жеп,бирок ажырашпай эле чыдап жүргөн болот.А бирок сизге жогорудагыдай кеңеш берет....
Бул темада жазганынымын себеби жакында бирөө : "-тынч эле олтурганбыз " дейт,сөздөн-сөз чыгып олтуруп,урушуп кеттик.Ачуум келип,үч талак деп салдым.Аалымдарга барса чогуу жашаганга болбойт деген экен.Жубайлар бири-бирин жакшы көрүшөт экен,бирок айла канча.Ортодо 2 перзенти бар экен.Кандай өкүнүчтүү....Эмнеге үч талак бердиң десек ,"мен билбепмин,көрсө талак жөнүндө таптакыр түшүнүгүм деле жок экен"- дейт.
Ошондуктан адамдар билип алса деп,билбестиктен болгон ажырашуулардын алдын алсак деп жазууну чечтик эле.Билип алыңыз талакты ачууланып берсеңиз да,тамашалап берсеңиз да түшүп калат,жана да көп учурлар бар түшүп калуу коркунучу бар.
Үйлөнө электер ,турмушка чыга электер бар,алар билип алса башкалардын катасын кайталабашка толук мүмкүнчүлүктөрү бар деп үмүт кылабыз,ин шаа Аллаh...