Baktygul Sarieva

ӨМҮРДҮН КЕРЕМЕТИ МЕНЕН СЫРЫ

3 - БӨЛҮМ

Колум бошосо эле экенин жанынан чыкпай калган болдум. Бир гана сүйлөшүп отурбастан, эже мага өзүнүн кесибин да үйрөтө баштады. Бир нерсе сөгүп тиктирсе, кээде кездемени өлчөтүп кестирип, жыртыкты жамаганды, курак кураганды, түймө түйгөндү акырындан үйрөтүп жүрдү. Арадан бир жыл өтүп кетти. Кызыма кош бойлуу болдум. — “ Түймө түйбө! Бала киндигине оролуп калат!” — деп жолотпогону менен, менин кызыгуум артып, үйгө келгенде кийим токуй берчүмүн. Бошонгондон кийин кийем деп түрлүү орнаменттер менен кооздоп жемпир, юбка да токуп койдум. Кийим сатканым менен, өз колуман чыккан бул буюмдар өзгөчө көрүнүп турду. Бошонууга күнүм жакындаганда УЗИге жөнөтүшт