რას გვპირდება ბარსელონა ?

მოგეხსენებათ კლუბის პრეზიდენტმა ბართომეუმ დაითხოვა სპორტული დირექტორი სუბისარეტა, რომლის მუშაობით გულშემატკივრის უდიდესი ნაწილი და თვითონ "ბარსელონა" იყო უკმაყოფილო. მისმა შემცვლელმა, არიედო ბრაიდამ, კლუბს შესთავაზა გეგმა, რომლის თანახმადაც კიპერის გარდა ყველა პოზიცია უნდა გაძლიერდეს, რათქმაუნდა ბრაიდას მოსვლას მოყვა ახალი ინტერესები სულ სხვა ფეხბურთელების მიმართ.
ალბათ ყველა, გულშემატკივრები და სამწვრთნელო შტაბის ყველა წევრიც ხვდება, რომ გუნდს ყველაზე მეტად ნახევარდაცვაში უჭირს... ეს მოსალოდნელიც იყო, დაგვიბერდა ჩვენი მაესტრო და ცოცხალი ლეგენდა ჩავი ერნანდესი, რომელიც ბარსელონაში 1991 წლიდან ირიცხება და განვლო აკადემიის თითქმის ყველა ასაკობრივი საფეხური, ახლა კი ლეგენდალურ ნახევარმცველს 35 წელი შეუსრულდა და სეზონის ბოლოს დიდი ალბათობით კლუბს დატოვებს. მის დაბერებას ავტომატურად მოყვა ანდრეს ინიესტას ფორმიდან ამოვარდნა, რის ფონზეც ხშირად ნახევარდაცვის ლიდერად ახალწვეული, ივან რაკიტიჩი გვევლინება, ასე რომ კლუბს ახალი ნახევარმცველების დამატება მოუწევს, განიხილავენ როგორც ჩავის, ისე ანდრესის შემცვლელებსაც.
1. მარკო ვერატი- იტალიელი ფეხბურთელი პარის სენ ჟერმენის ნახევარდაცვის უდავო ლიდერია, ხშირად მას "თავხედსაც" უწოდებენ, თავისი არაორდინალური გადაწყვეტილების გამო, ტანდაბალი იტალიელი საოცრად ფლობს ბურთს, თითქმის შეუძლებელია მისი მოტყუება ერთიერთზე, აქვს საოცარი მოედნის ხედვა და გამოზომილი პასი, ჩავის შეცვლის საუკეთესო ვარიანტი სწორედ იტალიელია (ავტ.). მარკო ჯერ მხოლოდ 22 წლისაა და მისი პროფესიონალიზმი თვალშისაცემია, ამასთან ერთად ის პროგრესს არ წყვეტს, მიმდინარე სეზონში ლიგა 1-ში მან მხოლოდ 1 ბურთი შეაგდო, 1 გოლიაქვს ჩემპიონთა ლიგაზეც რომელიც საუბედუროდ ბარსელონას გაუტანა. ვერატის ტრანსფერის უმთავრესი დაბრკოლება პარიზული კლუბია, რომელიც ნამდვილად არ ისურვებს შეელიოს "მომავალ პირლოს".
2. პოლ პოგბა - რისი თქმა შემიძლია ფრანგზე? თანამედროვე ფებურთის ერთერთი ყველაზე ნიჭიერი და მრავალმხრივი ფეხბურთელი, ლიდერის თვისებებით. თითქმის ყველა გრანდი ცდილობ 21 წლის ბრილიანტის შეძენას, მიუხედავად იმისა, რომ ბებერი ქალბატონების მიერ პოლი 100 მილიონადაა შეფასებული. არ არსებობს მოედანზე სამუშაო, რომელსაც პოლი ვერ შეასრულებს, მას ნახევარდაცვის ნებისმიერ ადგილას დიდი წარმატებით შეუძლია თამაში, თუ ბარსელონა მას იყიდის ალბათ სხვა ნახევარმცველებს აღარ უნდა ველოდოთ, შეუძლია გუნდს დაეხმაროს როგორც დაცვაში, ასევე შეტევაში, ბურთის განაწილებასა და შენარჩუნებაში.
მიმდინარე სეზონში პოგბას სერია A-ში 7 გოლიაქვს გატანილი, და იუვენტუსის ნამდვილი ლიდერია, საქმეს მხოლოდ ერთი ფრაზა აადვილებს: 'ბავშობასი ბარსელონაში ან არსენალში თამაშზე ვოცნებობდი".
3.კოკე - ესპანელი ნახევარმცველი თითქოს რაღაცით წააგავს ჩავის, მისი პროგრესი თვალსაჩინოა, შეტევასთან ერთად კარგად გამოსდის დაცვითი ფუნქციის შესრულება, ატლეტიკო მას 60 მილიონად აფასებს, 23 წლის ფეხბურთელი ეროვნულ ნაკრებშიც წარმატებით ასპარეზობს, გამოირჩევა მშვიდი ხასიათით და პრნციპულ დაპირისპირებებში არასოდეს პროვოკატორობს, მიმდინარე სეზონში ლალიგაში 10-მდე საგოლე გადაცემას მოუყარა თავი, მეტოქის კარის ბადე კი 2-ჯერ შეარხია.
4. კოვაჩიჩი - ხორვატის მოყვანა ყველაზე რეალურად ჩანს, ინტერი მას 40 მილიონად აფასებს, მაგრამ საქმეში შეიძლება პედრო ჩაერთოს და მომგებიანი ბარტერი შედგეს. კოვაჩიჩის დრიბლინგი და პასი, ეს ისაა, რაც ბარსელონას ძალიან ჭირდება (ავტ.).მიმდინარე გათამაშებაში კოვაჩიჩი 5 გოლს და 8 საგოლე გადაცემას მიითვლის. ბარსელონასადმი სიმპატიები ფეხბურთელს ჯერ არ გამოუთქვამს.
5. ფელიპე ანდერონი - 21 წლის ბიჭი საოცარ სეზონს ატარებს ლაციოში, ის ალბათ უფრო ინიესტას შეცვლის, ვიდრე ჩავის, მას აქვს არნახული შეტევითი პოტენციალი და მისი ასაკისთვის ძალიან დიდი დიაპაზონის ფეხბურთელია, როგორც კი პრესაში ჭორები გავრცელდა მის შესაძლო ტრანსფერზე, ლაციოს პრეზიდენტმა ანდერსონი 80 მილიონად დააფასა, რაც მის ტრანსფერს წარმოუდგენელს ხდის. წლეულს ფელიპემ 9 გოლს და 7 საგოლეს მოუყარა თავი, და უკვე მიიღო ახალი მეტსახელი "ლაციოს მესი", რადგან მესის მსგავსად, მისი კოზირიც არანორმალურის სისწრაფე და დრიბლინგია.
6. ანხელ დიმარია - ანხელი ვერ შეეწყო მანჩესტერს და რეალის დატოვების შემდეგ ძალიან მოუკლო თამაშს, გავრცელდა ჭორები, თითქოსდა იუნაიტედი მას 47 მილიონ ფუნტად შეელეოდა, დიმარია ინიესტას საუკეთესოდ შეცლიდა, მისი სისწრაფე, პასები და მესისთან შეთამაშება ნამდვილად წაადგება გუნდს, მაგრამ საკითხავი ისაა რეალის შემდეგ რამდენად გახდება კულე...