Дагы бир жыл өтүп кетти шуубалдап,

Аны менен кошо кетти бир жашым.
Мезгил чиркин, куюн сымал кубулдап,
Өтсө өтсүн, аман болсун алтын башым
Эстедим, сени менен жүргөн кезимди,
Өткөндү эске салды ушул сүрөттөр.
Бир "дүрт" этип, өчүп калган сезимди,
Эске түштү күйүп -жанган мүнөттөр.
Сулуу жүзүң, күн сыяктуу жаркырап,
-Жаным -деп жарк дедиң, ушу сүрөттө.
Бул элесиң сенин түбөлүккө сакталган,
Жашайсың сен сүрөттө да, жүрөктө!