ՍԵՐԸ ՀԱՅԻ ԱՉՔԵՐՈՒՄ
Որքա՜ն սեր կա այդ աչքերում,
Հայի թախծոտ, ծով աչքերում,
Մեկ մտածկոտ, մեկ էլ դարդոտ,
Հայի կարոտ, մով աչքերում։
Որքա՜ն հուշ կա այդ աչքերում,
Հայի պատմող, շող աչքերում,
Մեկ խնդացող, մեկ էլ լացող,
Հայի աշխույժ, լուռ աչքերում։
Որքա՜ն հուր կա այդ աչքերում,
Հայի ոգի ու էություն, հայ աչքերում,
Մեկ առկայծող, մեկ էլ կրակ,
Հայի շանթող, վառ աչքերում։
Որքա՜ն հույս կա այդ աչքերում,
Հայի հավատ, ջինջ աչքերում,
Մեկ թնդացող, մեկ էլ հանդարտ,
Հայի անուշ, սեր աչքերում։