ადრიანა 13 წლის იყო, როდესაც ის და მისი მეგობარი ერთ-ერთი სამოდელო სააგენტოს თანამშრომელმა სავაჭრო ცენტრში შეამჩნია. მომავალი მოდელი საყიდლებზე იყო იქ. ადრიანამ სამოდელო სფეროში ქასთინგზე უარი არ განაცხადა და სულ მალე გახდა „ფორდ სუპერმოდელ ბრაზილიის“ კონკურსის გამარჯვებული. ცოტა ხანში „ფორდის“ ბრაზილიის ბიურომ მასთან პირველი პროფესიული კონტრაქტი გააფორმა. იმავე წელს ადრიანამ მეორე ადგილი დაიკავა კონკურსში – „ფორდ სუპერმოდელი“, რომელიც ამჯერად მთელი მსოფლიოს მასშტაბით ტარდებოდა. 18 წლის ასაკში ადრიანა ნიუ–იორკში მიიწვიეს, სადაც მან „ელიტ მოდელ მენეჯმენტთან“ გააფორმა კონტრაქტი. ამას მოჰყვა უამრავი ფოტოსესია წამყვანი პრიალა ჟურნალებისთვის. საერთო ჯამში, ადრიანა ლიმა 13 ჟურნალის გარეკანზე მოხვდა, მათ შორის ისეთი ჟურნალების გარეკანებზე, როგორებიცაა „Marie Claire“ და „Vogue“.

ახლა კი წარმოგიდგენთ ადრიანას ფაქტებს ♛ ადრიანას სავიზიტო ბარათია ლურჯი თვალები. ♛ მისი სიმღლეა 1.78 სანტიმეტრი. ♛ ადრიანას მეტსახელია ‘LimaBean’. ★ მრავალჯერ დასახელდა სხვადასხვა მოდური ჟურნალების თუ მამაკაცთა ჟურნალების რეიტინგის მიხედვით ‘ყველაზე ლამაზ ქალბატონად.’ ★ ადრიანა ცნობილი ფოტოგრაფის ელენ ვონ ანვერტის ფავორიტი მოდელია და ხშირად მონაწილეობდა მის ფოტოსესიებში. ★ მისი საყვარელი მუსიკოსი ლენი კრავიცი გახლავთ. ადრიანა მის ერთ-ერთ მუსიკალურ ვიდეოშიც მონაწილეობს. პროფესიულ საქმიანობასთან ერთად ამ ორ სელებრითს პირადი ურთიერთობაც აკავშირებდა, რომელიც ნიშნობით გაგრძელდა, ხოლო შემდგომ კი მოკლე დროში მათ ურთიერთობა საბოლოოდ დაასრულეს.