Предыдущая публикация
.....
БИЗНИНГ ЁШДА....
( Менга келган мактубдан, смсларга жавоб ёзмайман, бунинг учун узр, аммо шу мактубга жавобан бир ижод сизларга хавола этаман, илтимосга кўра !!! )
********
Бизнинг ёшда ишқ бўлмас эмиш,
Севмас эмиш, севилмас эмиш.
Билмайдида қалби қоралар,
Мухаббат ёш танламас эмиш !
Ярашмасмиш исҳорлар бизга,
Ўхшар эмиш ёшимиз кузга.
Асло йўқмиш бизга чоралар,
Севмоқ учун, ё севилишга !
Сочимизда паға қор эмиш,
Юзларимиз ажиндор эмиш.
Билса эди юраги доғлар,
Қанчалар зор биздаги ўтмиш !
Умр бир оз кутганда эди,
Биздан рози кетганда эди.
Тентираган бу далли диллар,
Ўз боғида юрганда эди !
Ишқдан рози бўлардик биз ҳам,
Ғамдан нари кетардик, биз ҳам.
Не деса дер ўзгалар, дея...
Хандон отиб юрардик биз хам !
Энди қалблар гуноҳкор эмиш,
Хато эмиш, севиш, севилиш.
Инсон баҳти шунча қисқами,
Ярашмасмиш кўнгилни қучиш !
Қани эди дил гапга кирса,
Кўзларини ёшламай юрса.
Баҳорида кузни танимай,
Тақдирига табассум тутса !
Бизни ёшда ишқ бўлмас эмиш,
Юрак уриб, лек кулмас эмиш.
Нахот билмас, қарғаю, зоғлар,
Муҳаббатсиз қалб бўлмас, эмиш !!!
............Гул Баҳор..............
Москва. 03.12.2018.
Следующая публикация
Нет комментариев