ИПАКОН, глас 4-й Предварившыя утро яже о Марии, и обретшыя камень отвален от гроба, слышаху от Ангела: во свете присносущнем Сущаго с мертвыми что ищете яко человека; видите гробныя пелены, тецыте, и миру проповедите, яко воста Господь, умертвивый смерть, яко есть Сын Бога, спасающаго род человеческий. ПЕСНЬ 4 Ирмос: На божественней стражи Богоглаголивый Аввакум да станет с нами, и покажет светоносна Ангела, ясно глаголюща: днесь спасение миру, яко воскресе Христос, яко всесилён. Мужеский убо пол, яко разверзый девсственную утробу, явися Христос, яко человек же, агнец наречётся, непорочен же, яко невкусен скверны, наша Пасха, и яко Бо