Исминг билан урмоқда юрак,
Манинг ҳолим сан билсанг керак –
Мажнунни саҳрода йиғлатган
Ўша Лайло сен бўлсанг керак?
Дариғ тутаверма меҳрни,
Кимдан юқтиргансан қаҳрни?
Дарёда оқизган Тоҳирни,
Ўша Зуҳро сен бўлсанг керак?
Зўр йигитлик деган чоғларда,
Юрсам бўлмасмиди боғларда?!
Кездирган Фарҳодни тоғларда
Ўша Ширин сен бўлсанг керак!
Энг сулувлар сенга ўхшаган,
Кўз оҳулар сенга ўхшаган,
Навоий ҳам излаб яшаган
Ўша Гули сен бўлсанг керак!
ХАЙРУЛЛА ҲАМИДОВ