Սիրե՛ք իրար, շա՜տ սիրեք, ու փայփայեք, քանի որ ամեն մեկիդ մեջ Դեր Զորի ճանապարհին մաքառող հայի ապագայի, վերածնունդի եւ վրեժի հույսն է վառվում։
Ամեն մեկդ կենդանի ապացույցն է այն բանի, որ Երիտթուրքերը ձախողվել են։
Սիրե՛ք իրար ու փայփայե՛ք, քանի որ մենք միայն իրար ունենք էս հսկա աշխարհում։
Մենք միայն մեր ապրելով ու միմյանց սիրելով, միմյանց հոգ տանելով կարող ենք լինել ուժեղ ու հասնել մեր հավաքական նպատակներին։
«Հասկանո՞ւմ եք, կյանքը հոգնեց պայքարից, ինքը փոխվեց, ինձ չփոխեց. ես էս եմ, ինչ-որ կամ` աշխարհից ոչինչ չունեմ թաքցնելու: Դե՞մքս, դեմքս չեմ շրջել, էդ կյանքն է, որ ինձանից երես է թեքել` գործած ու չգործած սխալիս համար և հիմա էլ ստիպում է հայացքս թեքել, որ աչքերիս մեջ իր ձոնած տառապանքի տողերը չկարդաք…: Էդ անխիղճը` կյանք ասվածն, ասում է` ապրի´ր, հորդորում է` ապրի´ր, հրամայում է` ապրի´ր…: Ես՝ չէ, Դուք ասացեք` կես սրտով մարդը ո՞նց, ո՞նց ապրի...» #ՄՀԵՐ_ՄԿՐՏՉՅԱՆ