Айтай дўстим, асра жонинг омонат, Ишонмагин, йиққан молинг омонат.

Худо берса, берганига шукур қил, Шукур килгин, лаҳза, онинг омонат.
Абадий қолмас бу, қурган боғларинг, Ўтиб кетар билгин, ёшлик чоғларинг. Доим қолмас ҳеч, сенла ўртоғларинг, Келган давру давронларинг омонат.
Дунё охирига, ҳечким етолмас, Шамолнинг қўлидан, ҳечким тутолмас. Насибадан ортиқ ҳечким ютолмас, Тангри берган, насибанг ҳам омонат.
Сочингга киров тушса, дўстим фикр қил, Умрни бергувчи, Оллоҳимга зикр қил. Яшаяпсан шунисига, шукур қил, Оллох яратган, инсони омонат.