Алтын апам угуп турчу балаңды.

Бир жылмайып ишке салды калемди.
Бүгүнкү күн өзгөчө бир күн билем.
Карасаң бул бактылуу бир адамды.
Бүгүн менин апакемдин майрамы.
Туулган күнү жылда өтчү жайдагы.
Куттуктоолор асыл сөздөр айтылып.
Биздин уйдө күлкү бүгун жайдары.
Ыраазымын апа сизге миңден миң.
Сиз аркылуу дүйнө таанып билгенмин.
Талыкпаган эмгегиңиз аркылуу.
Өнүп өсуп, адам болуп жетилдим.
Азап тартсам көздөн агып ачуу жаш.
Бир өзүңдөй мага эч ким жашыбас.
Балан үчүн жасап жаткан мээнетке.
Бүтүн дүйнө, бүтүн аалам татыбас.
Ар перзенттин балалыгын жыттаган.
Чарчаса да алдей ырын ырдаган.
Бир үшкүрбөй канчалаган азапка.
Чындыгында апа гана чыдаган.
Күлүп жүрчү апакебай ар дайым.
Күлкүңүздөн термелсинчи ак кайын.
Сиз күлгөндө дүйнө кетет өзгөруп.
Себеби сиз кыш чилдеде жаз айым.
Эки кызды уч уулду төрөгөн.
Апа сиздей асыл затты көрбөгөм.
Бала болуп 23-ко кирсем да.
Дагы деле жалгыз сизге жөлөнөм.
Туулган күн кут болсун деп апаке.
Бүгүн сизге ыр арнадым мынаке.
Перзентинин түйшүгүнө чыдаган.
Апалардын улуулугу ырас э?!
Биз деп жүрүп кыйналгансыз билемин.
Бул ыр саптар арзыбаган белегим.
Узун өмүр, чың ден-соолук бак таалай.
Апа сизге ушул менин тилегим.