АНДА БИЗГЕ КЕРЕК ЭМЕС ТИРҮҮЛҮК
Отуз төрттө солкулдаган жаш жигит,
Келинчеги отуз эки жаштарда
Беш жөжөсүн таштап коюп кетишкен,
Жанашыша жандары учуп асманга.
Андан бери далай суулар шаркырап,
Таңдар атты,тирүүлөргө жаркырап.
Төртөө эркек,арасында бир тал кыз,
Тайенеси багып алган асырап.
Кийим бүтүн, курсактары ток болгон,
Көкүрөк ач, ичке арман топтолгон.
Мээримине суусап өткөн балалык,
Ата-эненин ордун издеп жоктогон.
Беш бир тууган баардыгысы чоңойду,
Тарбиялуу, билимдери жогору.
Кырктан ашып,өзүлөрү ата-эне,
Үй-бүлө бар,жолун карап тозоору.
Дарак соолуп,көчөттөрү бак болду,
Мөмө байлап, куру эмес шак толду.
Тайененин кесиби эле мугалим,
Зор эмгеги азын
ЭТАЛОНДОЙ ЭЛМИРБЕК
"Сүйдүм"- десем, Элмирбекти,
Мени чоочуй карашат...
Өлгөнүнө көңүл чөктү,
Шылдың кылган адашат...
Кантип сүйбөй койсо болот,
Шыңгыр булак жигитти...
Сезими ойноок, жеңил ойлуу,
Көптү сүйгөн жигитпи?!
Сүйсө, сүйсүн Элмирбектей,
Арзуусуна суктандым...
Ар тарабы эталондой,
Жүрөк жибийт уккандын...
Төрт тарабы, төп келишкен,
Сүйкүм жүзү жаркырайт...
Мээрим толгон көкүрөгү,
Карегинен чачырайт...
Жакын жактан бет алышып,
Көрбөсөм да, көргөндөй...
Касиети ооздон чыгып,
Ыры көктөн төккөндөй...
Жасалма ыр курабаган,
Адамдыгы бийик чеп...
Сый-урматы аялзатка,
" Аруузаты" узун кеп...
Мен да сүйдүм Элмирбекти,
Кыргыз кыздын бирөөсү...
Карегимде калып калды,