BALA DƏRDİ
Heç kəsə qıymıram, heç kim görməsin,
Nə acı göz yaşı, nə bala dərdi.
İstər oğul olsun, istərsə də qız,
Allah verən payın olarmı fərqi ?
Ay Allah, göstərmə heç bir bəndəyə,
Nə acı göz yaşı, nə bala dərdi.
Bələdçi olmuşam o yola mən də,
Neçə dağ, düyün var yanmış sinəmdə.
Balam bircə dəfə ata deyəndə,
Gözümdən qanlı yaş axıb gedərdi...
Ay Allah göstərmə heç bir bəndəyə,
Nə acı göz yaşı, nə bala dərdi.
Vədəsiz qocaldıb bükdü belimi,
Əsdirir qələmi tutan əlimi.
Zaman tez ağartdı şəvə telimi,
Bir dərdin üstünə beş dərd gətirdi.
Ay Allah, göstərmə heç bir bəndəyə,
Nə acı göz yaşı, nə bala dərdi.
Ədalət kor olub, görməyir daha,
Tükənib ümidi nurlu sabaha.
Hər