"ბარსა" რომ მიმდინარე სატრანსფერო ფანჯრის დროს მინიმუმ ერთ ცენტრალურ მცველს დაიმატებს, ეს საიდუმლო არავისთვისაა. კატალონიელები თავიდან სწორედ ტიაგუ სილვას შეძენას ცდილობდნენ, მაგრამ მათ მიზანს ვერ მიაღწიეს. შემდეგ დავიდ ლუისის ჯერი დადგა, მაგრამ ბრაზილიელი პსჟ-ში გადავიდა. ამის შემდეგ, "ბარსამ" თვალი "პარი სენ ჟერმენის" კიდევ ერთი ბრაზილიელ უკანახაზელს, მარკინიოსს დაადგა და თითქოს მიზანსაც მიაღწია, მაგრამ ფრანგებმა ფეხბურთლის გაყიდვა მოლაპარაკებების ბოლო ეტაპზე გადაიფიქრეს. ბოლო ცნობებით, ლუის ენრიკეს გუნდი "ვალენსიელი" ჟერემი მატიეს იწვევდა, მაგრამ "ღამურები" 20 მილიონს ფეხს არ უცვლიან.კატალონიურ პრესაში დღეს გავრცელებული ინფორმაციის თამახმად, "ბარსა" ტიაგუ სილვას ვარიანტს კვლავ განიხილავს. მოლაპარაკებები უკვე მიმდინარეობს და კატალონიელები მზად არიან 50 მილიონი ევრო გადაიხადონ. ნებისმიერ შემთხვევაში, ტრანსფერი მსოფლიოს ჩემპიონატის დასრულებამდე არ დასრულდება."სპორტი" ასევე ავრცელებს ინფორმაციას, რომ "ბარსელონას" მარკინიოსის ყიდვის იმედი არ დაუკარგავს. კატალონიელები ფეხბურთელში 35 მილიონ ევროს ჩამოდიან, ხოლო პსჟ ჯერ ჩამოყალიბებული არაა, სურს თუ არა ბრაზილიელის გაყიდვა.