Demişdim ( Nüsrət HƏSƏN ) Demişdim gün gələr peşman olarsan, Arxamca göz yaşı belə tökərsən. Demişdim özünə düşmən olarsan, Səhərdən axşama əzab çəkərsən *** Demişdim heç zaman səni mənim tək Sevən olmayacaq bunu dərk elə. Demişdim çox sevir səni bu ürək, Sən özün söylədin məni tərk elə. *** Demişdim gedirəm qayıtmayacam, Ne üçün geri dön deyirsən indi. Demişdim heç zaman unutmayacam, Necə ki, ürəyim hələ sənindi. *** Demişdim sevsəm də dönən deyiləm, Qürurun yükünü daşıyıram mən. Demişdim dərdindən ölən deyiləm, Necə ki hələ də yaşayıram mən. ***