Արի թեկուզ կեսգիշերին,
Երբ աստղերն են արդեն փայլում,
Կամ,թե թեկուզ լուսաբացին,
Ես միշտ արթուն քեզ եմ սպասում։
Դու էլ արի իմ բարեկամ,
Քեզ մինչ օրս դեռ չեմ տեսել,
Քեզ մի բարև սրտանց կտամ,
Կասեմ` շատ եմ քեզ կարոտել։
Անծանոթի համար նույնպես,
Բաց է դուռս ,թե մի օր գա,
Ներս արի, ես կասեմ` ապրես
Եվ ջերմություն սիրտդ կզգա։
Եկեք բոլոր հեռուներից,
Հանգրվանեք իմ դռնից ներս,
Հարազատից, բարեկամից,
Չեմ տարբերի երբեք ես ձեզ։
Բաց է դուռս իմ լավ ընկեր,
Դու օտար չես վաղուց արդեն,
Նվիրել եմ քեզ մի թանկ սեր,
Ներս եկողները դա գիտեն