8 ліпеня Языльская сельская бібліятэка ў рамках раённага конкурсу на лепшую пастаноўку работы з дзецьмі і падлеткамі падчас летніх канікул "Канікулы ў бібліятэцы" правяла конкурсна-гульнёвую праграму "Рызыка-версія". Мерапрыемства прысвечана да 140 – годдзю з дня нараджэння народных паэтаў Беларусі Янкі Купалі і Якуба Коласа. У гульні прымалі ўдзел дзве каманды "Каласок" і " Купалінка". Паміж камандамі праведзены конкурсы: "Цікавыя факты з біяграфіі і творчасці пісьменнікаў", "Са скарбонкі", "Паэзія", "Слова роднае, слова ганарлівае", “Конкурс капітанаў”. Паказаны тэатралізаваны ўрывак з паэмы Якуба Коласа "Новая зямля", выканана песня на словы Янкі Купалы "Саўка ды Грышка".