Мила Ша

2026 ий - Калык-влакын икоян улмо идалыкышт

Москвасе «Россия» национальный рӱдерыште «Знание» обществын «Россия - семья семей» просветительский марафонжым эртареныт. Торжественный мероприятийыште элын Президентше Владимир Путинат лийын. Тушто тудо Российысе калык-влакын икоян улмо идалыкыштым торжественно почмо нерген увертарен.
Л. ШАВАЛИЕВА.

Вич проект сеҥышыш лектын

Кодший республика изи олала ден исторический поселенийлаште илаш йӧран вер-шӧрым ыштыме шотышто элысе проект-влак конкурсыш 10 йодмашым колтен. Тушеч визытшылан грант семын федеральный полышым пуаш пунчалыныт, увертара БР ЖКХ министерство. Октябрьский, Дӧртыльӧ олала, Чишма, Кушнаренко ден Верхнеяркеево села-влаклан общественный верлам саемдаш чумыржо 436 миллион теҥге федеральный шийвундым кучыктат. Тудын почеш тӱзатыме паша-влакым тений тӱҥалыт.
Л. ШАВАЛИЕВА.

Социальный пенсий

1 апрель гыч социальный пенсийлан индексацийым ыштат. РФ паша да калыкым социально аралыше министр Антон Котяковын мутшо почеш, тудын кугытшо 6,8 процентыш шуэш. Социальный пенсийым страховой пенсийым налашлан кӱлешан паша стажышт ситыдыме еҥ-влак налыт.
Л. ШАВАЛИЕВА.