Ўғил кутиб бу дунёни, Қотилликга тўлдирганлар, Доктор яна “қиз” деди деб, Фарзандини ўлдирганлар Бирор ҳайвон, бирор жонзот, Сиздек ваҳший бўлган эмас, Ўз қорнидан боласини, Бўлиб- бўлиб олган эмас. Қиз фарзандни ўлдирманг, У Аллоҳни неъмати.... Дарҳол аборт қилдингизми, Туғилгунча қилмай сабр. Миттигина пок инсонга, Канализация бўлди қабр... Қиз фарзандни ўлдирманг, У Аллоҳни неъмати.... Туғилганда эркаланиб, Сочларингиз силар эди, Қўлчаларин очиб ҳар кун Сизни дуо қилар эди... Қиз фарзандни ўлдирманг, У Аллоҳни неъмати.... Туғилганда уйингиз, Яна файзли бўлар эди, Йиллар ўтиб бағрингиз Набирага тўлар эди... Қиз фарзандни ўлдирманг, У Аллоҳни неъмати....