ჩემმა სიყვარულმა, როგორ შეგაშინა ასე,

მე ხომ არ მოვდივარ,მე ხომ არ გეხები სადმე..
ასე უხილავმა, ასე შორეულმა გრძნობამ,
როგორ ვერ გასწავლა, ჩემი სიყვარულით ტკბობა.
ჩემმა სიყვარულმა როგორ დაგაბნია ასე,
ამდენ ლამაზ სიტყვებს, სადღაც უმიზეზოდ აბნევ.
მე კი ველოდები, უკვე რა ხანია ნამცეცს,
რომ შენ გამოხედვას ერთი თბილი სიტყვა ახლდეს.
ჩემმა სიყვარულმა როგორ გამოგცვალა ასე,
მგონი შემეჩვიე და შენ ამ შეჩვევას ამჩნევ,
ცდილობ გამერიდო,ცდილობ გამეცალო სადმე,
სადაც ვერ მივწვდები, ალბათ შენი გულის ნადებს.
თუმცა ეს მანძილი გრძნობას ვეღარაფერს ავნებს,
თორემ მეც შენსავით წავალ გავექცევი ამ ბედს.