Hijronlar qalbimni buncha ezadi, Armonlar orzuning qasrin buzadi. Yuragim bir senga zorlik sezadi, Men seni judayam, juda sog‘indim. Armondir dardimni aytolmaganim, G‘ururni yiroqqa haydolmaganim, Armondan og‘irdir qaytolmaganim — Men seni judayam, juda sog‘indim. Ko‘ngilning ming bitta zori bo‘lsa ham, Imtihon dunyoning kori bo‘lsa ham, Iqrordan dilimning ori bo‘lsa ham — Men seni judayam, juda sog‘indim. Dardimni aytmadim, tishladim tilni, Hijrondan ming karra g‘ashladim dilni, Topmadim sen tomon boshlagan yo‘lni — Men seni judayam, juda sog‘indim. Yillarki izlayman bosgan izingni, Ko‘zimda ko‘raman qora ko‘zingni, Qaniydi, bir bora ko‘rsam o‘zingni, Men seni judayam, juda sog‘indim!!
Yig'ladim, boshimdan o'tdi judolik. Siz uchun yana bir qildim fidolik. Roziman, siz oling mening haqqimni. Xudo sizga bersin mening baxtimni. O'lib ketsin deya qarg'amang jonim. Sizni yo'qotganim men uchun o'lim. Na yashay olaman, na men go'rdaman. Qalbim sizda, yashar tirik murdaman!!!