Ո՞ՐՆ Է, ԲԱԲՈ
-Ո՞րն է, բաբո, մեր հայրենիք:
-Էն, որ չունի խաղաղ երկինք,
Էն, որ չունի կարմիր արեւ`
Յուր կապուտակ գլխի վերեւ.
Էն, որ չունի էլ մեծ Արցախ
Հավքերն` աշուղ, ջրերը` սազ:
Էն, որ չունի աշխարհի թագ`
Շուշի քաղաք, ու Դադի վանք
Ծախված Շուշի՝ սիրտը մրմուռ,
Գլուխը վար՝ դժոխքի դուռ:
Էն, որ չունի էլ Քաշաթաղ
Հին-հին բերդեր, հրաշք վանքեր
Որ ավերակ, բայց դեռ դարեր
Լուռ կանիծեն երկինքն ի վեր:
Էն, որ հզոր մեր Սյունիքը
Մեր Արցախին ախպեր կանգնեց,
Դավաճանի ձեռքով ծնկեց,
Ռուս թուրքական ճամփա բացեց…