Мы используем cookie-файлы, чтобы улучшить сервисы для вас. Если ваш возраст менее 13 лет, настроить cookie-файлы должен ваш законный представитель. Больше информации

Левая колонка

Maqsud Salomov

Последний визит: 2 окт 2021

Фильтр

Заметки Увлечения

Maqsud Salomov

16 авг 2017

Сюжет

Ҳаётингга бесўроқ кирсам,
Билдирмасанг эътирозларинг.
Ва лек кейин шубҳалаб қолсанг:
Севги эмас - эҳтиросларинг.

Таҳлил қилсанг ҳисларни бир-бир,
Ҳеч биридан топмасанг сабаб –
«Қандай унга боғландим ахир?!»
Тинчинг қочса ўзингни тергаб.

Сўнг совуса қалбинг муз каби,
Бефарқ сезсанг менга ўзингни.
Соғинч қўёлмаса талабин –
Қўмсамасанг ортиқ сўзимни.

Ва айрилсак охири дилтанг,
Такрор бўлса минг йиллик сюжет:
Сен индамай бошқага тегсанг,
Бошқа хотин олсам мен безбет.

…Сўнг фарзандлар кўрсак, яшасак
Ботиб турмуш ғавғоларига.
Ҳатто тан ҳам ола бошласак
Бахтлиман деб. Ороларига

Ўрмалашиб дунёнинг тамом,
Ёшлигимиз хотираларин,
Гўзал дамлар, дард, хато – барин
Унута бошласак беомон.

Аммо

Maqsud Salomov

8 авг 2017

Виждоним соф дея сўйлаган дўстим,
Имоним пок дея ўйлаган дўстим,
Мусаффо виждону, софлик нелигин,
Имон тозалигин, поклик нелигин

Аллақaчон ўчиб кетган ўйингдан
Қайси бир бурчакда сенинг уйингда
(Бир вақтлар бобонгдан мерос бўб ўтган)
Ўн йиллар даврида ўқилмай ётган
Қуръон устидаги гардлар айтсинлар.

Ўзинг қариндош-ла узиб алоқа
Нечун ёлғизман деб йиртасан ёқа?
Меҳр бер, хабар ол қондошларингдан.
Ёлғизлик нелигин бардошларидан

Метин ожиз бўлган (кузатиб сассиз
Ҳар бир қардошининг ўлимин, эссиз),
Эргаша олмасдaн куз орқасидан
Қишда - қаҳратонда ўз новдасидан
Узилолмай қолган барглар айтсинлар.

«Садоқат!» деб, жонон, кўкка оҳ урма,
«Вафо не?!» деб кўксинг тилкалаб юлма…
Содиқлик нелигин икк

Maqsud Salomov

16 июл 2017

Сен қайси оламнинг мавжудодисан,
Нечун муҳаббатдан ҳуркар юрагинг?
Дуоибад қилган қайси ёсуман,
Наҳот севиш учун етмас журъатинг?
Наҳот севилишга етмас журъатинг?

Ёки эҳтимолий дардлар дилингга
Ғулулар қаларми мисли кўрилмас?
Назар сол кўзгуга, тикил ўзингга,
Қара - бахт мос сенга, қўрқувлар эмас.

Қай бир номард сенинг кўнглинг синдирган,
Шунчалар чуқурми у қолдирган из?
Нимадан ҳуркасан айтгин, билдиргин,
Недан ҳайиқишинг эта олай ҳис.

Ҳайиқма! Изн бер менга севишга,
Ўзингга севилиш учун имкон бер.
Имкон бер ўзингга бахтли бўлишга,
Ва менга умид бер, куч бер, илҳом бер!

Қудрат бер, шижоат ҳадя эт! Бутун
Ғашлик, шубҳаларинг тўзғитиб ташлай.
Йўл кўрсат қалбингга кирмоғим учун,
Чин ўзлигин

Maqsud Salomov

7 мая 2017

Уxлашни ташладим, уxламай қўйдим.
Энди уйқу менга баxш этмас ором,
Энди тушлар мени айлай олмас ром -
Сен йўқ рўёлардан* зерикдим, тўйдим.

Эслашдан воз кечдим, эсламай қўйдим,
Энди xотиралар аламли, дилтанг.
Аввали ёлғон-у, сўнгги беоҳанг
Айрилиқли бўлган ўйлардан тўйдим.

Сўзлашни тўxтатдим, сўзламай қўйдим,
Энди сўз дилимнинг ифодасимас.
Кўнглимни борича акс эттиролмас
Товушлар ясашдан чарчадим, тўйдим...

*Рўё - туш (арабча).

Maqsud Salomov

12 мар 2017

Бу тун тушларимда паришон кездинг,
Илтижо қилгандай кўзинг мўлтираб
Термулдинг узоқ. Ва сукутни буздинг
Шивирлаб: "Қарғаманг, менга баxт тиланг".

Мен сўз айтолмадим - овозим ўчди,
Ёзиб кўрсатмоқчи бўлдим дилимни.
Сен томон узатган эдим қўлимни
Сесканиб кетдинг-да, кимнидир қучдинг.

Алам ё ғазабдан бўғзим тиқилди,
Таҳлика қоплади алвон юзингни.
Олислаб бординглар, қувиб йиқилдим,
Турдим - олмазорда кўрдим ўзимни...

Сўнг узоқ йиғлади юракни эзиб
Қандайдир бир аёл ва менинг онам:
"Ўзининг баxтидан ҳайиққан қизим".
"Баxтига қўллари етмаган болам..."

09.03.2017

На этом пока всё

Войдите в ОК, чтобы посмотреть всю ленту