Ես վախենում եմ միայն մի բանից՝
Ժամանակ կոչված այն խելագարից,
Որ մեր փոխարեն անկախ մեր կամքից,
Մեզ կյանք է տալիս ու տանում կյանքից։
Ես վախենում եմ հաղթել շտապելուց,
Եվ կամ պարտվել երկար սպասելուց,
Ես վախենում եմ շատ ուշանալուց,
Լիարժեք ապրել չհասցնելուց։
Ես վախենում եմ՝ անապրել մեռնել,
Երազանքներս անավարտ թողնել,
Կյանքի խելագար վազքում մոլորվել,
Չկարողանալ սիրել ու սիրվել։
Ես վախենում եմ և չհասցնել,
Աստծուն մոտենալ, զավակիս օրհնել,
Ծնողներիս մոտ գլուխ խոնարհել,
Ներել ու ներվել հոգիս խաղաղել։
Ես վախենում եմ շատ եմ վախենում,
Կյանքս տանուլ տալ և կորցնելուց,
Բայց ամենից շատ նաև վախենում՝
Առանց ապրելու, անկյանք մեռնելուց։