Гьаб сураталда дида аск1ор руго Бурса шагьаралъул Дагъистан дернекалъул директор, лезгин миллаталъул Рамазан Кор ва Ялова шагьалда ругел дагъистаниязул церехъаби маг1арулал Щагьабудин Озденгун Г1али Аваркан.

АНЦ1ИЛА ЦО СОН БАН БУГО ГЬАБ СУРАТ БАХЪАРАЛАДАСА Гьелъул х1акъалъулъ интернеталда Дагъистаналдаги Турциялдаги машгьурав жамг1ияв х1аракатчи, хъвадарухъан Щагьабудин Озденица гьадин хъван батана : Şahabettin Özden Гьаб бак1 кола гьудулзаби, Туркиялъул тахшагьар Анкара. Эниб бугеб Садрудин Озденил "КЕБАБИСТАН" - Ресторан. Гьенир рак1арун руго, Дагъистаналдасан Журналист ва Х1акъикъат газеталъул мухабир Къебедов Мух1амад вач1унилан. Гьенир г1одор ч1ун руго; Квараниса бай бихьун: Шагьабудин Озден, Мустафа Дагъистанли, Мух1амад Къебедов, Х1алимат, Х1амза Уста, Мух1амад Эркин.

ЯЛОВА ШАГЬАРАЛДА ВУГО ЦО МЕСЕД БИЧУЛЕБ ТУКАДУЛ БЕТIЕРГЬАН МУХIАМАД ЭРКИН АБУЛЕВ МАГIАРУЛАВ Ниж цоцада лъалелдаса батила анцIгоялдаса цIикIкIараб сон. Абизе бегьила Турциялде гьабураб сапар битIахъе МухIамадил месед бичулеб тукада жаниса байбихьулилан. Тукенилан абуниги, гьелъул кIиабилеб тIалаялда буго гьесул гьитIинабго кабинет. Саламгун жаниве вачIарасда бихьула халичаялдаса балагьарав имам Шамил. Цо заманаялъ цIакъ лъугьун вукIана гьав нилъеда вихьулев ГIаркьухъа МухIамад Туркиялда бугеб магIарулазул тахшагьарилан жинда абулеб Гюнейккой росулъ бакьулъ Шамилил памятник лъезе. Гьебги чода рекIарав имам! Гьедин жинда кидаго цеве чIун вихьулилан абуна Эркин МухIамадица имам Шамил… Нижеда