Ձնծաղիկները հուշեր են բերում
Ուրախ ու անհոգ իմ մանկությունից,
Ձնծաղիկները հեքիաթ են բերում,
Հեքիաթ բարության ու հաղթանակի:
Հույսեր են բերում, գարուն են բերում
Ձնծաղիկները`փոքրիկ, գլխիկոր,
Խոնարհ ու թաքուն մեծ սեր են բերում,
Խաղաղություն են սփռում ամենուր:
Զարթոնք են բերում, նոր կյանք պարգևում
Ու նոր երգերի ծնունդ ավետում
Ուրախություն են բաշխում ամենքիս
Ու ես լսում եմ նրանց շշուկը՝ բարի ավետիս:
20.02.2020թ.
#ՆինաԴալունց