რონალდუ თბილისში ჩამოდის

6 ივნისს, პორტუგალიის საფეხბურთო ნაკრები თბილისს ეწვევა.
13 ივნისს ევროპის ჩემპიონატის საკვალიფიკაციო ეტაპის მეხუთე ტურში კრიშტიანუ რონალდუ და კომპანია სომხეთის ნაკრებს სტუმრობს. პორტუგალიელები ამ შეხვედრისთვის სწორედ საქართველოს დედაქალაქში, კერძოდ კი - მიხეილ მესხის სახელობის სტადიონზე მოემზადებიან. ისინი თბილისში ოთხი დღის განმავლობაში დარჩებიან.
ინფორმაციას სფფ-ს პრეზიდენტი, ზვიად სიჭინავა ადასტურებს. პორტუგალიის ნაკრები ევროპის ჩემპიონატის საკვალიფიკაციო ეტაპზე I ჯგუფს 9 ქულით ლიდერობს. სომხეთის ნაკრებს 1 ქულა აქვს და ბოლო ადგილი უკავია.