Дзень беларускага пісьменства ў Касцюковічах.

Упершыню давялося пабываць у гэтым невялічкім гарадку Магілёўскай вобласці. Свята было багатым на падзеі і ўражанні, цікавыя сустрэчы і новыя знаёмствы.
5 і 6 верасня пісьменнікі Брэстчыны выступалі перад публікай выключна з беларускамоўнымі творамі. Прыемна, што і чытачы больш цікавіліся кнігамі на роднай мове. І наогул, інтарэс да друкаванага слова ў гэтым горадзе вялікі. Таму ў гараджан і гасцей свята засталіся на памяць аб сустрэчы кнігі многіх беларускіх аўтараў, у тым ліку і мае, вядома ж, з аўтографамі. А яшчэ пісьменнікі падарылі свае кнігі раённай бібліятэцы імя І. Чыгрынава, а значыць, берасцейцаў будуць чытаць і ў Касцюковічах.