Մայր իմ՝ աստծո հրեշտակ,
Հոգուս անշեջ արեգակ,
Մայր իմ՝ աստղից իջած լույս,
Պայծառ կյանքիս միակ հույս:
Մայր իմ՝ օջախիս ծաղիկ,
Շուրթերիս անուշ տաղիկ,
Մայր իմ՝ գարնան ծաղկաբույր,
Աստծո դստեր,աստծո քույր:
Մայր իմ՝ ինչպե՞ս քեզ գովեմ,
Քո սիրուց կցնորվեմ,
Մայր իմ հոգի՛, մայր իմ կյա՛նք,
Ինձ համար ամենից թա՛նկ:
Մայր իմ՝ աչքիս պայծառ լույս,
Գիշերներիս արշալույս,
Մայր իմ՝ երա՛զ, իսկությու՛ն,
Կյանքիս մուրա՛զ, վեհությու՛ն:
Մայր իմ քնքու՛շ, մայր իմ հե՛զ,
Ներո՛ղ, բարի՛, աստծո պես,
Մայր իմ՝ սրտիս անգին գանձ,
Մայր իմ հոգի՛ ու Աստվա՛ծ: