Предыдущая публикация
მეკითხებიან, რამდენის წლის ხართ?
რა ვუპასუხო?! ნაღდად არ ვიცი. გუშინ, ვიყავი ალბათ ოცის და დღეს უნდა ვიყო სადღაც ორმოცის. ...არა გაგიმხელთ! მე შვიდისა ვარ, ჯერ არ მოსულან ჩემთან ალები, მე ისევ მჯერა მეგობრობის და ასევე მჯერა ლამაზ ზღაპრების. ...გამოგიტყდებით, მე უბრალო ვარ ოცნების გიჟი, ფიქრთა ხნულების მხოლოდ ის ვიცი რომ კურო ვარ, და გულით მჯერა მე ქალწულების. ნეტავი რატომ , რისთვის? მოვედი. ანდა რად ვენდო ვიწრო ბილიკებს თუნდაც ამ სტრიქონს რა მაწერინებს? რომელიც ჭკუის მიწყობს ლირიკებს. ეხლაც მარტო ვარ, არ გესმით ჩემი რატომ მიჭირავს ხელში სანთელი. მინდა , რომ ჩავწვდე გულის სიღრმეებს .. მინდა ჩავღვარო ბნელში ნათელი. ყველგან აანთეთ მართალი ცეცხლი სანამ იმედი ღვივის, არ ქრება, თორე იქნება მერე გვიანი და ირგვლივ ყველა კაცი გაქრება. შენ რჩეული ხარ - ვით ნაწამები, ჩემო ერო და სამშობლოვ ჩემო, მაგიტომ აგერ ისევ მოვედი, თუ გინდა ტყვია ეხლაც მესროლონ. გუშინ ხომ გახსოვს რომ დაგაძინეთ, და რომ გიმღერეთ ია ნანები, ეხლა მოვიდა დრო - გაიღვიძე! და ზეცის ნებით ისევ აღსდგები. მეკითხებიან, რამდენის ხარო. რა ვუპასუხო?! ეხლაც არ ვიცი. გუშინ, ვიყავი ალბათ ოცის და.... დღეს უნდა ვიყო სადღაც ოთხმოცის.
Следующая публикация
Комментарии 4
სადაც ერთი ანგარებაც არდევს,
გაუმარჯოს იმ მეგობრის იმედს,
შენ შვილს თავის შვილივით რომ არწევს.
/
გაუმარჯოს ქართველსა თუ აფხაზს,
ეროვნებით არ მიცვნია კაცად,
გაუმარჯოს ვინც არ სცდება ამ ხაზს,
ვინც არ გაგცვლის ოქრო ვერცხლის ფასად.
/
გაუმარჯოს უანგარო გრძნობას,
ყველა გრძნობას, მიჯნურსა თუ დაძმურს,
გაუმარჯოს სიყვარულს და ძმობას,
ნამდვილს, გულწრფელს, განა ყალბს და დადგმულს.
მომბეზრდა ბრძოლა წისქვილთან ქარის,
ჯდომა, კი არა ნემსებზე წოლა,
აღიარება მომბეზრდა ბრალის.
წავედი... ალბათ არ ღირდა წასვლა,
არც მოსვლა ღირდა, მაგრამ, ხომ მოხდა,
არც გრძნობაზე ღირს ხაზის გადასმა,
არც, თუ გახაზავ იმაზე ოხვრა.
ისეთ ლამაზს და ისე მადლიანს,
დარდები სადღაც შორს გადაყარო,
ხალას ღიმილს და არა დარდიანს
გაგიღიმებ და სხვას არ რას გეტყვი,
პირზე ღიმილი მუდამ ლამაზობს,
არასდროს მოვალ სევდების სეტყვით,
რომ ჩემს ტკივილზე გელაპარაკო.
ღიმილი სულის მალამო არის,
სულ შეეცვლება სახეს იერი,
მიიღე ჩემგან ეს საჩუქარი,
მე მინდა იყო შენ ბედნიერი!