Мы используем cookie-файлы, чтобы улучшить сервисы для вас. Если ваш возраст менее 13 лет, настроить cookie-файлы должен ваш законный представитель. Больше информации

Левая колонка

................ ..................

Последний визит: 28 мар 2013

Фильтр

Заметки Увлечения

12 мар 2013

და სხვათაშორის, შენც შეგიძლია,
გადააბიჯო სტროფში ამ ფრაზებს,
ხო, დამერწმუნე, ყველა იმ ტკივილს,
აქ რომ მაყრია, გუბედ დაგიგებ,
გზას ვერ გაიგნებ.
და თუკი მაინც ,რამეს გაიგებ,
სულს ქვეშ გაგიგებ,
მე ქალი ვარ და გრძნობებს ვარიგებ.

ლელა ნინუა

................ ..................

12 мар 2013

დაგთანხმდები, თან დაგყვები,
გრძნობა ხარ და გადაგყვები,
ბოლოს შენთვის გავნათდები,
გავთავდები.

სუნთქვას სუნთქვით შევერწყმები,
გულში გრძნობად ჩაგებმები,
სიყვარულით გადაღლილი
ჩაგეკვრები.

ტანს სიცოცხლეს შემოვისხამ,
ხელისგულით შეგეკვრები,
ყველა ტკივილს გადავიტან,
შეგეყრები.

არ მოვრჩები, მაინც ვრჩები,
ჩემგან სნეულს შეგეჩვევი
და თუ გრძნობად დავიღვრები,
გადავრჩები.

კოცონს ალად მოვედები,
არ ჩავქრები!

ლელა ნინუა

................ ..................

3 мар 2013

მამას !

ვუმზერ ბავშვობას, ვაყოლებ თვალს
და მახსენდება ალერსი დედის ,
მზრუნველი მამის სევდიან ხმაში
დამრიგებლური ტონი კვლავ მესმის.

ვიზრდები ლაღად და დღე მრავალი,
გადათვლილი მაქვს ბავშვურ თითებზე,
თანდათან ვხვდები მტყუანს და მართალს,
ლექსით ვსაუბრობ ათას მიზეზზე.

ფიქრ შესეული გზა და გზა ვიბრძვი,
ვიგებ ცხოვრების უმთავრეს მიზნებს,
სურვილს სურვილი წაებღაუჭა
და ჩემს სიცოცხლეს გრძნობებს ვუმიზნებ.

სისხლის დუღილი, ჩვილის ტირილი,
ახალი სუნთქვა და დაბადება,
ტრიალი, ბრუნვა ამ დედამიწის
და ხელგაწვდილის არ გახარება.

ტკივილი სულის და გულის კვნესა,
დღემდე უგულოდ სულ თან დამყვება,
რაა ცხოვრება, რაა ცხოვრება?
თუ ყველაფერი მაინც მთავრდება.

ლელა ნინუა