♦Бенвенута Чэліні з’яўляецца адной з самых прыцягальных постацяў эпохі Адраджэння. Скульптар, ювелір, мастак, музыка, ваяр – ён пражыў доўгае жыццё, у якім былі не толькі высокія пасады пры дварах першых асоб і ўхвальныя водгукі сучаснікаў, але і праблемы з законам, выкліканыя яго нястрымным характарам, і, як вынік, гады турэмнага зняволення. Авантурнае жыццё генія неаднаразова прыцягвала ўвагу пісьменнікаў, кампазітараў, рэжысёраў, якія прысвячалі Майстру свае творы.
♦На выставе “(НЕ)сучаснае мастацтва”, якая дзейнічае ў Малой выставачнай зале Нясвіжскага палаца, прадстаўлена работа творчага дуэта Мікалая Байрачнага і Юрыя Гудзіновіча “Размова Бенвенута Чэліні з Козіма Медзічы, якая не адбылася”. Кампазіцыя прадстаўляе сабой уяўную пасылку ювеліру ад палітыка і мецэната – залаты злітак у вытанчанай абгортцы, да якога ірвуцца прагныя мышы. Глядач сам можа уявіць, чым скончыцца гэта спрэчка матэрыяльнага і духоўнага, і што абярэ мастак: свабоду творчасці або заможнае жыццё.
♦Дарэчы, імя слыннага майстра “Benvenuto” ў перакладзе з італьянскай азначае “Сардэчна запрашаем”, а таму – “Benvenuto ў Нясвіж”.
#нясвіжскізамак #нясвіжскіпалац #нясвіж #nesvizhcastle #nesvizh #гісторыятваёйкраіны #belarus
Присоединяйтесь к ОК, чтобы подписаться на группу и комментировать публикации.
Нет комментариев