АДЗІНЫ ДЗЕНЬ ІНФАРМАВАННЯ

Тэматыка адзінага дня інфармавання насельніцтва, які адбыўся сёння ў музеі “Чарнобыль: ад адраджэння да ўстойлівага развіцця”.
Сорак гадоў таму, 26 красавіка 1986 года, адбылася аварыя на Чарнобыльскай АЭС – найвялікшая ў гісторыі атамнай энергетыкі, што выклікала маштабныя эканамічныя і сацыяльна-псіхалагічныя наступствы. Беларусь зазнала большыя страты, чым іншыя краіны.
За чатыры дзесяцігоддзі Беларусь крок за крокам аднавіла жыццё на пацярпелых тэрыторыях, прайшоўшы складаны шлях ад ліквідацыі наступстваў аварыі, рэабілітацыі і адраджэння пацярпелых тэрыторый да пераходу іх да ўстойлівага сацыяльна-эканамічнага развіцця.
Удзельнікі мерапрыемства пазнаёміліся з прэзентацыяй аб адраджэнні тэрыторый Беларусі, якія пацярпелі ад аварыі на Чарнобыльскай АЭС.